ASSAM TIMES POST
অজন্তা তালুকদাৰ
বোকাখাত সমষ্টিৰ অন্তৰ্গত উত্তৰ মহুৰা গাওঁ পঞ্চায়ত নিবাসী ছাত্র নেতা ৰুদ্ৰ চেত্ৰীয়ে আজি অসমৰ কৃষি মন্ত্ৰী তথা বোকাখাতৰ বিধায়ক অতুল বৰাৰ যোগেদি ৰাজ্য চৰকাৰলৈ এবিঘা ভূমি প্ৰদান কৰাৰ মানসেৰে এখনি পত্ৰ প্ৰেৰণ কৰিছে। পত্ৰখনিত উল্লেখ কৰা হৈছে যে বিশ্বব্যাপি মহামাৰীৰ ৰূপ লােৱা কৰ’ণা ভাইৰাছে আমাৰ দেশৰ লগতে ৰাজ্যখনলৈও এক ভয়ংকৰ বিপদৰ দিশে আগবঢ়াৰ সময়তে চৰকাৰৰ প্রতিটো খোজৰ সহযোগিতা কৰি এই মহামাৰীৰ বিৰুদ্ধে যুঁজ দিয়া প্রতিগৰাকী নাগৰিকৰ কর্তব্য।
সেয়েহে এনে দুর্যোগৰ সময়ত দেশ, সমাজ তথা মানৱতাৰ স্বার্থত অনাগত দিনত চৰকাৰক চিকিৎসা সেৱা আগবঢ়াবলৈ যদিহে কোনাে ধৰণৰ গৃহ নির্মাণ অথবা চিকিৎসালয় নির্মাণৰ দৰে কামৰ বাবে ভূমিৰ প্রয়ােজন হয়, তেন্তে বােকাখাত মহকুমাৰ উত্তৰ মহুৰা গাঁও পঞ্চায়তৰ অধীনৰ দাতা গৰাকীৰ নামত থকা ২৫, ২০ আৰু ৮১ নং দাগৰ ৪ বিঘা মাটিৰ চৰকাৰৰ সুবিধা অনুযায়ী যিকোনাে দাগৰ এবিঘা মাটি চৰকাৰক প্ৰদান কৰিবলৈ আগ্রহ প্রকাশ কৰি আজি ভূমি দাতা ৰুদ্ৰ ছেত্ৰীয়ে অসম চৰকাৰৰ কৃষি মন্ত্ৰী গৰাকীৰ হাতত অসমৰ মুখ্যমন্ত্ৰী আৰু স্বাস্থ্যমন্ত্ৰীলৈ উদ্দেশ্যি পত্ৰখনি প্ৰদান কৰে। ৰুদ্ৰ ছেত্ৰীৰ এই মহান পদক্ষেপক চৰকাৰৰ লগতে স্থানীয় ৰাইজে আন্তৰিকতাৰে শলাগ লৈছে।
