ASSAM TIMES POST
অজন্তা তালুকদাৰ, বােকাখাত : প্রতিজন অসমীয়াক আবেগিক কৰি তোলে হেঁপাহৰ ব’হাগ বিহুটোৱে। কিন্তু ‘অসমীয়া জাতিৰ আয়ুস-ৰেখা, গণ-জীৱনৰ সাহ’ ৰঙালী বিহুটোতাে নিজৰ ঘৰখনলৈ জনসাধাৰণৰ সুৰক্ষাৰ স্বার্থত, কর্তব্যৰ খাতিৰত যাব নােৱাৰা অসমীয়াৰ মৰ্মবেদনা অধিক। মনৰ হেঁপাহ মনতে সামৰি দায়িত্ব আৰু কৰ্তব্য ৰক্ষাৰ বাবে স্বজনৰ সৈতে বিহু উদ্যাপন কৰাৰ মােহ ত্যাগ কৰাসকলৰ ভিতৰত অন্যতম হ’ল আৰক্ষীৰ লােকসকল।
খাকী পােচাকৰ আঁৰত ৰং-ৰহৈচৰ স্বাভাৱিক প্ৰৱণতাক গাপ দি আৰক্ষীৰ লােকে নিজৰ কৰ্তব্য আৰু দায়িত্ব অতি গুৰুত্ব সহকাৰে পালন কৰি জনসাধাৰণৰ সুৰক্ষাৰ দায়িত্বত নিয়ােজিত হৈ থাকে। তাতে এইবাৰ সমগ্র বিশ্বৰ লগতে অসমতাে কৰােণা ভাইৰাছৰ আতংক। ভাৰতবর্ষ তথা অসমত ২১ দিনীয়া লক-ডাউন সমাপ্ত নৌ-হওঁতেই কেন্দ্রীয় চৰকাৰে কৰােণা ভাইৰাছৰ ভয়াবহতাৰ প্রতি লক্ষ্য ৰাখি জনসাধাৰণৰ সােণাৱালী জীৱন সুৰক্ষিত কৰি ৰখাৰ স্বাৰ্থত পুণৰ ৩ মে লৈকে আগুৱাই দিলে লক-ডাউনৰ শৃংখল।
ফলত অধিক দায়িত্ব বাঢ়িল অসম আৰক্ষীৰ লগতে কমাৰগাঁও আৰক্ষী থানাৰ ভাৰপ্ৰাপ্ত আৰক্ষীষয়া ময়ুৰজিৎ গগৈৰ নেতৃত্বত থকা আৰক্ষী সকলৰ। কোনাে এজন আৰক্ষীয়ে নিজৰ কৰ্তব্যৰ পৰা ছুটী লৈ যাব পৰা নাই পৰিয়ালৰ কাষলৈ। নিজৰ জীৱনকো তুচ্ছ জ্ঞান কৰি কৰােণা ভাইৰাছৰ পৰা পৰিত্ৰাণ দিবলৈ, লগতে জনসাধাৰণক সজাগ আৰু সচেতন কৰি ৰখাৰ অন্যতম গুৰু দায়িত্ব কান্ধ পাতি লৈ অতন্দ্র প্রহৰীৰ দৰে সুন্দৰভাৱে কমাৰগাঁও আৰক্ষী থানাৰ আৰক্ষী সকলে দায়িত্ব পালন কৰি থানাতেই এই হেন ব’হাগ বিহুটো পাৰ কৰিব লগা হৈছে এই সকল কর্তব্যপৰায়ণ আৰক্ষীয়ে।
কিন্তু স্বদেশৰ মানুহৰ বৃহৎ স্বার্থতে কোনাে আক্ষেপ নাই এই সকল কমাৰগঁঞা আৰক্ষীৰ। এই সকল আৰক্ষীক তেওঁলােকৰ ত্যাগ আৰু কৰ্তব্য নিষ্ঠাৰ প্রতি শ্রদ্ধা জনাই কমাৰগাঁৱৰ বেচৰকাৰী স্বেচ্ছাসেৱী অনুষ্ঠান ‘প্রজন্ম’ই পহিলা ব’হাগৰ দিনা একোখনকৈ বিহুৱান আৰু একোটিকৈ মাস্ক প্রদান কৰি কমাৰগাঁও আৰক্ষী থানাৰ ভাৰপ্রাপ্ত আৰক্ষী বিষয়া ময়ুৰজিৎ গগৈ, আৰক্ষী বিষয়া ছাহজাহান আলি, সহকাৰী উপ-পৰিদৰ্শক জিয়াউল ইছলাম সহিতে ৩০ গৰাকী আৰক্ষীক ৰঙালী বিহুৰ ওলগ জনায়। ‘প্ৰজন্ম’ৰ হৈ উপদেষ্টা গােলাপ বৰা, তৰুন কাকতি, সভাপতি ৰিণ্টু দুৱৰা, সম্পাদক সাগৰজ্যোতি হাজৰিকা, ক্ৰমে লাচিত কাকতি, শচীন বৰা, নয়নজ্যোতি বাৰুকিয়ালকে আদি কৰি সদস্য সকলো উপস্থিত থাকে। ইফালে কমাৰগাঁৱৰ মধ্য মহুৰা পঞ্চায়ত পৰিষদেও কমাৰগাঁও আৰক্ষীক পহিলা ব’হাগৰ দিন একোখনকৈ বিহুৱানেৰে ৰঙালী বিহুৰ ওলগ জনায়।
বিগত সময়চোৱাত কমাৰগাঁও আৰক্ষীৰ কমাৰগাঁৱৰ সমাজলৈ প্ৰদান কৰা অৰিহনাত অতিকৈ সুখী কমাৰগাঁওবাসী ৰাইজৰ লগতে মধ্য মহুৰা পঞ্চায়ত পৰিষদ। উল্লেখ্য যে বিশ্বত আতংকৰ সৃষ্টিকাৰী কৰােণা ভাইৰাছৰ সংক্ৰমণৰ ফলত কেন্দ্রীয় চৰকাৰে দেশ ব্যাপি ঘােষণা কৰা লক-ডাউন বর্তমানেও অব্যাহত আছে। তেনে এক কঠিন সময়ত ৰাইজক কৰােণা ভাইৰাছৰ পৰা মুক্ত হৈ থাকিবলৈ সজাগ সচেতন কৰাত অতি ক্ষিপ্রতাৰে কাম কৰাৰ লগতে আর্তজনক খাদ্য সামগ্রী প্রদান কৰি এক মানবীয় কার্য্য সম্পাদন কৰি কমাৰগাঁওবাসীৰ হৃদয় জয় কৰিবলৈ সক্ষম হৈছে কমাৰগাঁও আৰক্ষী।
এইসকল আৰক্ষীক কিছু উৎসাহ আৰু উদ্দীপনা জনাবলৈ মধ্য মহুৰা পঞ্চায়ত পৰিষদে পহিলা ব’হাগৰ দিনা কমাৰগাঁও আৰক্ষী থানাৰ সমূহ আৰক্ষীক একোখনকৈ বিহুৱান যাচি ৰঙালী বিহুৰ ওলগ জনায়। এই অনুষ্ঠানত মধ্য মহুৰা পঞ্চায়ত পৰিষদৰ হৈ চন্দ্ৰ ফুকন, প্রদীপ দাস, তেজস্বী ফুকন, প্ৰণৱজ্যোতি চেতীয়া, ব্ৰজেন গগৈ, কৃষ্ণকমল বৰুৱা, দিলিপ গোঁহাই আদি উপস্থিত থাকে।
কমাৰগাঁও আৰক্ষী থানাৰ ভাৰপ্ৰাপ্ত আৰক্ষী বিষয়া ময়ুৰজিৎ গগৈয়ে ‘প্ৰজন্ম’ আৰু মধ্য মহুৰা পৰিষদৰ এই পদক্ষেপক শলাগ জ্ঞাপন কৰাৰ লগতে এনে মৰমে আৰক্ষীক কাম কৰিবলৈ অধিক উৎসাহ প্রদান কৰে বুলি মন্তব্য কৰে। মধ্য মহুৰা পঞ্চায়ত পৰিষদে কমাৰগাঁও অঞ্চলৰ যুৱ সাংবাদিক তথা সমাজকর্মী ৰিন্টু দুৱৰা আৰু সাগৰজ্যোতি হাজৰিকাকো একোখনকৈ বিহুৱান যাছি ৰঙালী বিহুৰ ওলগ জনায়। উল্লেখ্য যে দুয়ােগৰাকী সংবাদকর্মীয়ে কৰােণা ভাইৰাছৰ ভয়াবহতা সন্দৰ্ভত ৰাইজক সজাগ আৰু সচেতন কৰাত অঞ্চলটোত গুৰুত্বপূৰ্ণ ভূমিকা পালন কৰি অহাৰ লগতে দৰিদ্ৰ লােক সকলক আনৰ ওচৰত সহায়ৰ হাত পাতি হলেও সহায় কবি এক মহান কর্ম সম্পাদন কৰি আহিছে।
আৰু জ্ঞাপন কৰি দিয়কচোন
