ASSAM TIMES POST
গুৱাহাটী :মহামাৰী কৰ’না ভাইৰাছ সংক্ৰমন প্ৰতিৰোধৰ বাবে জনসাধাৰণক মাস্ক, চেনিটাইজাৰ আদি ব্যৱহাৰৰ বাবে সজাগ কৰিছে ৰাজ্য চৰকাৰে। তেনে সময়তে অসমৰ এজন প্ৰতিভাৱান যুৱকে নিৰ্মান কৰিছে এটা স্বয়ংক্ৰিয় চেনিটাইজ কেবিন।যিটো কেবিনত প্ৰৱেশ কৰে লগে লগে আপোনাৰ সম্পূৰ্ন দেহটো চেনিটাইজাৰ হৈ পৰিব।
নিৰ্মান কৰা যুৱক জন হৈছে হৰপ্ৰীত সিং। গুৱাহাটী বেহৰবাৰী স্থিত হেপী ইঞ্জিনাৰিং ৱৰ্কচৰ স্বত্বাধিকাৰী সিংয়ে নিজস্ব প্ৰচেষ্টাত সাজিছে বিশেষ যন্ত্ৰতো।গুৱাহাটী মহানগৰী বশিষ্ঠ আৰক্ষী চকীত সিংয়ে নিৰ্মান কৰা চেনিটাইজ কেবিন স্থাপন কৰা হৈছে।
উল্লেখ যে বিশেষ কেবিনতোত মানুহ সোমাই গৈ এপাক ঘূৰি দিলে তৎক্ষণাত দেহটো হৈ পৰিব চেনিটাইজ।সম্পূৰ্ন সাধাৰণ ভাৱে নিৰ্মান কৰা বিশেষ চেনিতাইজ যন্ত্ৰটোত কৃষি পাম্প, লোহা, প্লাষ্টিক পাইপ ব্যৱহাৰ কৰা হৈছে।ইফালে প্ৰয়োজনীয় সামগ্ৰী সমূহ লাভ কৰিলে মহানগৰীৰ প্ৰতিখন থানাতে দিবলৈ চেষ্টা কৰিব সিংয়ে।এই কথা প্ৰকাশ কৰিছে তেওঁ।
তাপয্য পূৰ্ণ কথা এই যে ভাৰতবৰ্ষৰ বিভিন্ন ঠাইত এনেধৰণ যন্ত্ৰ নিৰ্মান হৈছে যদিও অসমত এইয়াই প্ৰথম।ইফালে কোনোবাই যদি এনে যন্ত্ৰ বনাব খুজে অথবা বনোৱাৰ বাবে সহায় প্ৰয়োজন হয় তেনেহ’লে সিঙে সহায় কৰিব বুলি জানিবলৈ দিয়ে।
