ASSAM TIMES POST
পশ্চিম কাৰ্বিআংলং : চৰকাৰে ঘোষণা কৰা দীৰ্ঘদিনীয়া লকডাউনৰ ফলত দৰিদ্ৰ লোক সকলৰ আৰ্থিক অৱস্থা একেবাৰেই পুতৌলগা হৈ পৰিছে । সেয়ে দেশৰ প্ৰধান মন্ত্ৰী নৰেদ্ৰ মোদীয়ে বিভিন্ন আঁচনিৰ জড়িয়তে দৰিদ্ৰ লোকসকলক কিছু পৰিমানে হলেও সকাহ দিবলৈ এককালীন সাহাৰ্য হিচাপে দৰিদ্ৰ সীমাৰেখাৰ তলৰ লোক সকলৰ একাউণ্টত ৫০০ টকাকৈ প্ৰদান কৰিছে ।
তাকে লৈ এতিয়া পশ্চিম কাৰ্বিআংলঙৰ বৈঠালাংছ’ৰ সকলো বেংক সমূহত মহিলাৰ যথেষ্ট ভিৰ পৰিলক্ষিত হৈছে । লক ডাউনক লৈ ৰাজ্য চৰকাৰে যিমানেই কঠোৰ হোৱাৰ কথা কৈছে সিমানে যেন অবমাননা কৰিবলৈ লৈছে এই লোকসকলে ৷ সম্প্ৰতি বৈঠালাংছ’ৰ ষ্টেট বেংককে ধৰি অসম গ্ৰামীণ বিকাশ বেংক, গ্ৰাহক সেৱা কেন্দ্ৰ সমুহতো গ্ৰাহকৰ অভাৱনীয় ভিৰ ৷
নাই কোনো সামাজিক দূৰত্ব । নাই কোনো মাস্ক । একাউণ্ট ৰ টকা উলিয়াবলৈ গাতে – গা লাগি হেতা ওপৰা লাগে মহিলা সকল । উল্লেখযোগ্য যে চৰকাৰে যিমানেই কঠিন নহ’ক কিয় এনে লোক সকলৰ পৰা লকডাউনক কিবা ফলপ্ৰসূ হবনে ?
