ASSAM TIMES POST
নিউজ ডেস্ক:
লকডাউনৰ সময়ত ৰাজ্য ছাত্ৰ-ছাত্ৰীৰ সকল যাতে শিক্ষা গ্ৰহণৰ বঞ্চিত নহয় তাৰ বাবে অসম মাধ্যমিক শিক্ষা সংসদ চমুকৈ ছেবা গুৰুত্বপূৰ্ণ প্ৰদক্ষেপ।বিশেষ কৈ নৱম আৰু দশম শ্রেণী ছাত্ৰ-ছাত্ৰীৰ সকলে উপকৃত হোৱাকৈ ছেবাই গ্ৰহণ কৰিছে বিশেষ পাঠদানৰ ব্যৱস্থা।এই কথা প্ৰকাশ কৰিছে ছেবা সচিব সুৰঞ্জনা সেনাপতিয়ে।
ছাত্ৰ-ছাত্ৰীসকলৰ সুবিধা হোৱাকৈ অনলাইনৰ পাঠদানৰ ব্যৱস্থা কৰা হৈছে।সামাজিক মাধ্যম ইউটিউবত লিংকসমূহ প্ৰেৰণ কৰা হৈছে ৰাজ্য প্ৰতিখন জিলালৈ।তাত স্কুল পৰিদৰ্শক আৰু ছাত্ৰ-ছাত্ৰী সকলক অৱগত কৰা হৈছে।প্ৰতি জিলা হোৱাটচ এপ’ গ্রুপত লিংক সমূহ প্ৰেৰণ কৰা হৈছে।এই কথা সচিব সেনাপতিয়ে জানিবলৈ দিয়ে।
আনহাতে ২৭ এপ্ৰিল অৰ্থাৎ সোমবাৰৰ পৰা আকাশবাণী গুৱাহাটীৰ জৰিয়তে ছাত্ৰ-ছাত্ৰী সকলৰ বাবে এক ঘণ্টা ক্লাছ আৰম্ভ কৰা হৈছে।দুপৰীয়া ১২.৩০ বজা পৰা ১.৩০ বজালৈ সপ্তাহত সোমবাৰ পৰা শুকুৰবাৰলৈ চলিব এই ক্লাছ।নৱম-দশম শ্রেণী মূলত তিনিটা বিষয়ৰ ওপৰত আৰম্ভ হোৱা ক্লাছে সামৰি লব গণিত, সমাজ বিজ্ঞান আৰু ইংৰাজী বিষয়ক।এই গুৰুত্বপূৰ্ণ প্ৰদক্ষেপৰ কথা সচিব সেনাপতিয়ে জানিবলৈ দিয়ে।লগতে তেওঁ কয় প্ৰথমদিনটোত গণিতৰ ক্লাছ হৈছিল ।ক্লাছতো প্ৰতি সঁহাৰি আকাশবাণী সূত্ৰই জনোৱা অনুসৰি বহুত ভাল হৈছে সন্তোষজনক বুলি।
উল্লেখ যে ক্লাছটোত আধা ঘন্টা বিশেষ পাঠটো বুজাই দিয়া হয়।বাকী আধা ঘন্টা ফোনৰ জৰিয়তে ছাত্ৰ-ছাত্ৰীৰ প্ৰশ্ন লোৱা হয় আৰু যদি বিষয়টো ওপৰত ছাত্ৰ-ছাত্ৰীৰ বুজাত অসুবিধা হলে পুনৰ বুজাই দিয়া হয়।
গুৰুত্বপূৰ্ণ কথা এই যে ছাত্ৰ-ছাত্ৰী সকলক কোন দিনা কি বিষয় পাঠদান হব সেই সন্দৰ্ভত ইতিমধ্যে সময়সূচী বনাই ঘোষণা কৰা বুলি সেনাপতিয়ে জানিব দিয়ে।
আনহাতে অনলাইন পাঠদান ব্যৱস্থা বহুখিনি সুবিধা হৈছে যদিও বহু ছাত্ৰ-ছাত্ৰীক সামৰিব পৰা নাই ব্যৱস্থা এই কথা স্বীকাৰ কৰি সচিব সেনাপতিয়ে কয় “সকলো ছাত্ৰ-ছাত্ৰীৰ হাতত উপযুক্ত ফোনৰ ব্যৱস্থা নাই।ফলত যোগ-যোগত কিছু সমস্যা আহিছে”।
ইফালে জিলা সমূহৰ পৰা অহা খবৰ অনুসৰি ক্লাছ কৰা সমান্তৰালকৈ
তেওঁলোক অনলাইনত পৰীক্ষাৰো পাতিছে।ডিব্ৰুগড়, গোলাঘাট আদি জিলা সমূহে নিজাকৈ নতুন ব্যৱস্থা গ্ৰহণ কৰি ইউনিট টেষ্টো পাতিছে- সেনাপতিয়ে লগতে কয়।
