ASSAM TIMES POST
নিউজ ডেস্ক:
বিশ্বত্ৰাস মহামাৰী ক’ৰনাত আক্ৰান্ত এগৰাকীৰ অসমীয়া।দিল্লীত আক্রান্ত ব্যক্তি গৰাকীৰ ঘৰ চৰাইদেউ জিলা পাটসাঁকো আখৈয়া গাঁৱত।দিল্লীত চিকিৎসাৰ বাবে গৈছিল ব্যক্তিজন।কৰ্কট ৰোগত আক্রান্ত ব্যক্তিগৰাকীৰ কে’ম দিয়াৰ পূৰ্বে কৰা কোভিড-১৯ পৰীক্ষাত ধৰা পৰিছে ক’ৰনা উপস্থিতি কথা।দিল্লী এপ’ল হাস্পতালত কৰ্কট ৰোগৰ চিকিৎসা চলি আছিল।
উল্লেখ যে লকডাউনৰ পূৰ্বে দিল্লীলৈ গৈছিল লোকজন।আক্রান্ত ব্যক্তি গৰাকীৰ দিল্লীত আছে পুত্ৰ নকুল ফুকন।
গুৰুত্বপূৰ্ণ কথা এই যে ব্যক্তি গৰাকীৰ দেহত ক’ৰনা উপস্থিতি ধৰা পৰাৰ পিছতো দিল্লীৰ চৰকাৰে কোনো ব্যৱস্থা নোলোৱা কথা উল্লেখ কৰি ৰাজ্য স্বাস্থ্যমন্ত্ৰী ডক্টৰ হিমন্ত বিশ্ব শৰ্মাক টুইট যোগে অৱগত কৰিছে।মংগলবাৰে ৰাতি অসহায় পুত্ৰ গৰাকীয়ে স্বাস্থ্যমন্ত্ৰীৰ সহায় বিচাৰি কৰাৰ টুইটৰ পিছতে ৰাজ্য স্বাস্থ্যমন্ত্ৰী ডক্টৰ শৰ্মাই দিল্লীৰ উপ-মুখ্যমন্ত্ৰী মনিশ চিছোঁদিয়াক টুইট যোগে সহায় কৰাৰ আহ্বান জনায়।
ইফালে মঙলবাৰৰ দিনৰ ভাগত পুত্ৰ ফুকনে ৰাজ্যমন্ত্ৰী তথা মাহমৰা বিধায়ক(নিজসমষ্টি) যোগেন মহনক অৱগত কৰিছিল যদিও বিশেষ সহায় লাভ কৰা নাছিল যুৱক জনে।
