ASSAM TIMES POST
ডিজিটেল ডেস্ক :
কৰোনা পৰিস্থিতি আৰু দেশজুৰি চলা লকডাউনৰ কাৰণে বাঢ়ি থকা সমস্যা মোকাবিলাত মংগলবাৰেই ২০ লক্ষ কোটি টকাৰ বিশেষ আর্থিক পেকেজ ঘোষণা কৰিছিল প্রধানমন্ত্রী নৰেন্দ্র মোদীয়ে। আত্মনির্ভৰ ভাৰত গঢ়াৰ এই প্যাকেজে দেশৰ গৰীব, বহিঃৰাজ্যৰ পৰা উভতা শ্রমিক, সংগঠিত-অসংগঠিত ছেক্টৰৰ লোক, প্রত্যেকৰ কথা ভাবি কৰা হৈছে বুলিও জনাইছিল মোদীয়ে। কিন্তু সেই পেকেজৰ বিশদ বিৱৰণ তেওঁ দিয়া নাই। জনাই দিছিল পেকেজৰ বিস্তাৰিত খতিয়ান তুলি ধৰিব বিত্তমন্ত্রীয়ে।
১) আয়কৰ ৰিটার্নৰ শেষ তাৰিখ কেতিয়া ?
সেই মতেই আজি আর্থিক পেকেজৰ বিস্তাৰিত বিৱৰণ তুলি ধৰে বিত্তমন্ত্ৰীয়ে। আজি বহু কেইটা খণ্ডৰ ক্ষেত্রত ডাঙৰ ডাঙৰ ঘোষণা কৰে তেওঁ। মধ্যবিত্তসকলক স্বস্তি প্ৰদান কৰি আয়কৰ সংক্রান্ত ঘোষণা কৰিবলৈ গৈ তেওঁ কয়, ‘বিত্তীয় বর্ষ ২০১৯-২০ চনৰ বাবে আয়কৰ জমাৰ শেষ তাৰিখ ৩১ জুলাই, ২০২০ৰ পৰা বঢ়াই ৩০ নৱেম্বৰ, ২০২০ কৰি দিয়া হৈছে। আৰু টেক্স অডিটৰ ক্ষেত্রত সেয়া ৩০ ছেপ্টেম্বৰ, ২০২০ৰ পৰা বঢ়াই ৩১ অক্টোবৰ, ২০২০ কৰা হৈছে।’
২) সলনি হৈছে TDS ৰ নিয়ম
আনহাতে, বৃহস্পতিবাৰৰ পৰাই সলনি হ’ব TDS ৰ নিয়ম। মার্চ, ২০২১ চন পর্যন্ত প্ৰচলিত হাৰৰ ওপৰত ২৫ শতাংশ ৰেহাই TDS ত।
ইয়াৰ জৰিয়তে ৫০ হাজাৰ কোটি টকাৰ ৰাহি হ’ব বুলি জনায় কেন্দ্রীয় বিত্তমন্ত্রী নির্মলা সীতামনে।
৩) যি চাৰিটা বিষয়ৰ ওপৰত গুৰুত্ব
বিত্ত পেকেজ ঘোষণা কৰিবলৈ গৈ আজি বিত্তমন্ত্রীয়ে প্রথমেই কয়, ‘নানা মন্ত্রনালয় আৰু প্রধান মন্ত্রীৰ সৈতে দীর্ঘ আলোচনাৰ পিছত এই পেকেজ ঘোষণাৰ সিদ্ধান্ত লোৱা হৈছে। পাঁচটি স্তম্ভ অর্থনীতি, জনসংখ্যা, চাহিদা, ব্যৱস্থা আৰু আন্তঃগাঁথনিৰ ওপৰত ভিত্তি কৰিয়েই আমি আত্মনির্ভৰ ভাৰতৰ লক্ষ্যত আগুৱাই যাম। মূলত ভূমি, শ্রমিক, নগদ ধন আৰু আইন, এই চাৰিটি বিষয়ৰ ওপৰত গুৰুত্ব দিয়া হৈছে এই পেকেজত।’
৪) বিত্তমন্ত্রীৰ কণ্ঠত ‘ভোকেল ফৰ লোকেল’ৰ সুৰ
প্ৰধানন্ত্রীৰ ভোকেল ফৰ লোকেলৰ সুৰতেই বিত্তমন্ত্রীয়ে কয়, ‘এক আত্মনির্ভৰ ভাৰত গঢ়ি তোলাৰ আহ্বান জনোৱা হৈছে। ইয়াৰ নাম দিয়া হৈছে আত্মনির্ভৰ ভাৰত অভিযান। আত্মনির্ভৰ- এই শব্দটো আপোনালোকে আমি সঘনাই কোৱা শুনিব। প্রধান মন্ত্রী নৰেন্দ্র মোদীয়ে এটি দৃষ্টিভঙ্গী উপস্থাপন কৰিছে। সমাজৰ বিভিন্ন অংশৰ সৈতে বিস্তৃত আৰু গভীৰ আলোচনাৰ পিছত এই দৃষ্টিভঙ্গী স্থাপন কৰা হয়।
