দুই যমজ ভগ্নী মালিন-হাৰলিনৰ উচ্চতৰ মাধ্যমিক চূড়ান্ত পৰীক্ষাত কৃতীত্ব অৰ্জন :

ASSAM TIMES POST

ডিফু: সদ্য ঘোষিত উচ্চতৰ মাধ়্যমিকৰ চূড়ান্ত পৰীক্ষাত পশ্চিম কাৰবি আংলঙ জিলাৰ দুই যমজ ভগ্নী ক্ৰমে মালিন আৰু হাৰলিনে কৃতীত্ব সহকাৰে উত্তীৰ্ণ হৈ জিলাখনলৈ গৌৰৱ কঢ়িয়াই আনিবলৈ সক্ষম হয় ৷ প্ৰাপ্ত খবৰ অনুসৰি মালিন তেৰাঙপীয়ে হোজাইৰ আজমল উইমেন কলেজ অৱ ছাইন্স এণ্ড টেকনলজীত উচ্চতৰ মাধ্যমিকৰ চূড়ান্ত শাখাত পৰীক্ষাত অৱতীৰ্ণ হৈ ৪৪৮ নম্বৰ সহ ৮৯’ ৭ শতাংশৰে ডিষ্টিংছন লাভ কৰে ৷

মালিন তেৰাংপীয়ে পশ্চিম কাৰবি আংলঙৰ ডংকামোকামৰ ছ’জাঙ ডনবস্ক’ হায়াৰ ছেকেণ্ডাৰী স্কুলৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈ ৭৮’৮৮ শতাংশ সহ ষ্টাৰ মাৰ্ক লাভ কৰিছিল ৷আনহাতে মালিন তেৰাঙপীৰ যমজ ভগ্নী হাৰলিন তেৰাংপীয়ে হোজাইৰ একেখন কলেজৰ পৰা কলা শাখাত উচ্চতৰ মাধ্যমিকৰ চূড়ান্ত শাখাৰ পৰীক্ষাত অৱতীৰ্ণ হৈ ৩৯৭ নম্বৰ আৰু ষ্টাৰ মাৰ্ক সহ প্ৰথম বিভাগত উত্তীৰ্ণ হৈ পশ্চিম কাৰবি আংলঙলৈ গৌৰৱ কঢ়িয়াই আনিছে ৷

হাৰলিনে ডংকামোকাম ছ’জং ডনবস্ক’ হায়াৰ ছেকেণ্ডাৰী স্কুলৰ হাইস্কুল শিক্ষান্ত পৰীক্ষাত দ্বিতীয় বিভাগত উত্তীৰ্ণ হৈ ৫৩ শতাংশ নম্বৰ লাভ কৰিছিল ৷ মালিন তেৰাংপী আৰু হাৰলিন তেৰাংপী দুয়ো যমজ ভগ্নী পশ্চিম কাৰবি আংলঙৰ ডংকামোকাম নগৰৰ ৱাৰ্ড নম্বৰ ২ ৰ ৰাম ৰংপি আৰঙৰ হাৰমন তেৰাঙ আৰু প্ৰতীমা ইংহিপীৰ জীৱৰী বুলি জানিব পৰা গৈছে ৷