৫ টা বিষয়ত লেটাৰ মাৰ্ক সহ ডিফু উপায়ুক্ত কলনিৰ পূজা দাসৰ কৃতীত্ব :

ASSAM TIMES POST

ডিফু:সদ্য ঘোষিত উচ্চতৰ মাধ্যমিক চূড়ান্ত পৰীক্ষাত ডিফুৰ ৰেণু তেৰাংপী মেম’ৰিয়েল মহাবিদ্যালয়ৰ পূজা দাসে কলা শাখাত  অৱতীৰ্ণ হৈ ৫ টা বিষয়ত লেটাৰ সহ কলেজখনৰ লগতে ডিফুলৈ গৌৰৱ কঢ়িয়াই আনিবলৈ সক্ষম হৈছে ৷ পূজা দাসে মুঠ ৪২০ নম্বৰ লাভ কৰাৰ লগতে ৫ বিষয়ত লেটাৰ পায় ৷

পূজা দাসে ডিফু ৃক্লীৰদাপ শঙ্কৰদেৱ শিশু বিদ্যা নিকেতনৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈও তিনিটা বিষয়ত লেটাৰ পাবলৈ সক্ষম হৈছিল ৷ পূজা দাসৰ পিতৃয়ে টেণ্ট হাউছৰ ক্ষুদ্ৰ ব্যৱসায় কৰি জিৱিকা নিৰ্বাহ কৰে ৷ পূজা দাস ডিফু উপায়ুক্ত কলনিৰ নিপেন দাস আৰু দেৱযানী দাসৰ কণ্যা ৷ পূজা দাসৰ সাফল্যত পৰিয়ালৰ লগতে এলেকাটোত আনন্দমুখৰ পৰিবেশৰ সৃষ্টি হৈছে ৷