ষ্টাফ ৰিপ’ৰ্টাৰ,ডিফু:
কালি ডিফু চহৰৰ মাজমজিয়াৰ শান্তিপাৰাত সংঘটিত হোৱা বিধ্বংসী অগ্নিকাণ্ডৰ ভুক্তভোগী সকলক সাক্ষাৎ কৰে লুম্বাজং পৰিষদীয় সমষ্টিৰ স্থানীয় এম এচি তথা হস্ততাঁত আৰু বস্ত্ৰশিল্প বিভাগৰ ভাৰপ্ৰাপ্ত ইএম ৰতন টেৰণে ৷
কালি সন্ধিয়া ৭ মান বজাত ইএম ৰতন টেৰণে দলীয় কৰ্মী সহ ঘটনাস্থলী পৰিদৰ্শন কৰি পৰিস্থিতিৰ বুজলয় ৷ ইএম গৰাকীয়ে অগ্নিকাণ্ডত ক্ষতিগ্ৰস্থ সকলকলৈ গভীৰ দুখ প্ৰকাশ কৰাৰ লগতে সাময়িক ভাবে ক্ষতিগ্ৰস্থ সকলক চাউল, চানা,তিৰপাল, আঠুৱা আৰু কম্বল বিতৰণ কৰে ৷ লগতে অগ্নিকাণ্ড সামান্য ভাবে হাত জ্বলি যোৱা এজনক কিছু আৰ্থিক সাহায্য প্ৰদান কৰে ৷
ইয়াৰোপৰি আজি পুৱাৰ ভাগৰ জলপানৰ ব্যৱস্থাও কৰি দিয়ে ইএম গৰাকীয়ে ৷ ইএম গৰাকীৰ ঘটনাস্থলী পৰিদৰ্শন কালত স্থানীয় ১ নং ৱাৰ্ডৰ ৱাৰ্ড কমিচনাৰ হাৰাধন ঘোষ, জিলা বিজেপিৰ আইটি চেলৰ আহ্বায়ক নীলমনি দেব, বিজেপিৰ লুম্বাজং মণ্ডল বিজেপিৰ সম্পাদক লংকি ৰংপি আৰু কেইবাগৰাকী বিজেপি কৰ্মী উপস্থিত থাকে ৷
উল্লেখ যোগ্যযে, বুধবাৰে বিয়লি ডিফুৰ শান্তিপাৰাত এক অগ্নিকাণ্ড সংঘটিত হৈ ৫০ টাৰো অধিক ঘৰৰ লোক গৃহহাৰা হোৱাৰ লগতে অগ্নিকাণ্ডত কেইবা লক্ষ্যাধিক টকাৰ সা- সম্পত্তি নষ্ট হৈ সৰ্বস্বান্ত হৈ পৰে ৷
