ষ্টাফ ৰিপ’ৰ্টাৰ:
ডিফু: ক’ৰোনা ভাইৰাছৰ বাবে দেশজুৰি চলি থকা লকডাউনৰ মাজতে মটৰ শ্ৰমিক সকলেও বিভিন্ন ঠাইত কোৱাৰেণ্টাইন কেন্দ্ৰলৈ মানুহ অনা নিয়াৰ কৰাৰ লগতে চিকিৎসাৰ ক্ষেত্ৰতো ৰোগী অনা নিয়া কৰি ক’ৰোনাৰ সন্মূখৰ শাৰীৰ যুদ্ধা হিচাপে আত্মপ্ৰকাশ কৰি আহিছে ৷
এই ক্ষেত্ৰত বহুতো মটৰ চালক সহায়ক শ্ৰমিক সকল নিতৌ বিভিন্ন লোকৰ সংস্পৰ্ষলৈ আহিছে ৷ তেনেলোকো ক’ৰোনাত আক্ৰান্ত হব পাৰে বুলি আশংকা কৰি কাৰবি আংলঙ বাছ মালিক সন্থাই মটৰ শ্ৰমিক আৰু চালক সকলৰ ক’ৰোনাৰ বাবে স্বাৱ টেষ্টৰ ব্যৱস্থা কৰে৷
এইলৈ কাৰবি আংলং বাছ মালিক সন্থাৰ সভাপতি লক্ষীৰাম বৰদলৈৰ আৰু প্ৰভাৰী বাহাৰ উদ্দিনৰ প্ৰচেষ্ঠাত যোৱা ২২ জুলাই আৰু আজি ডিফু – লামডিং পথৰ ফাৰ্মাৰ্চ গ্ৰ’থ চেণ্টাৰত মটৰ শ্ৰমিক সকলৰ স্বাৱ টেষ্ট কৰা হয় ৷
দুই দিনত প্ৰায় ১৩০ জন মটৰ শ্ৰমিকক স্বাৱ টেষ্ট গ্ৰহণ কৰা হয় ৷ উক্ত স্বাৱ টেষ্ট কাৰ্যসূচীত বাছ কাউণ্টাৰৰ কৰ্মচাৰী সকলেও অংশ গ্ৰহণ কৰে ৷ স্বাৱ টেষ্টৰ ৰিজাল্ট আহিলেহে বাছ চালক, শ্ৰমিক আৰু কৰ্মী সকল ক’ৰোনামুক্ত হয়নে নহয় জানিব পৰা যাব ৷
