ষ্টাফ ৰিপ’ৰ্টাৰ:
ডিফু : সদৌ অসম সংখ্যালঘু ছাত্ৰ সন্থা চমুকৈ আমছুৰ কাৰবি আংলং জিলাৰ সভাপতি মাজিদ খানৰ নেতৃত্বত এক সঁজাতি দলে আজি কাৰবি আংলং জিলা উপায়ুক্ত আৰু আৰক্ষী অধীক্ষক সাক্ষাৎ কৰে ৷ আলোচনা কালত সঁজাতি দলটোয়ে দুয়োগৰাকী প্ৰশাসনিক বিষয়া ক্ৰমে , চন্দ্ৰধ্বজ সিনহা আৰু দেৱজিৎ দেউৰীক জিলাখনত ক্ৰমান্বয়ে বৃদ্ধি পাই অহা অসামাজিক কাৰ্যকলাপ, যুৱচামৰ মাজত গঢ়ি উঠা ড্ৰাগছৰ আসক্তি, বাল্যবিবাহ, আৰ শিশুশ্ৰম বিৰুদ্ধে আমছুৱে যুঁজি যোৱা বুলি অৱগত কৰে ৷
ইয়াৰোপৰি অসম- নাগালেণ্ড সীমান্তৱৰ্তী লাহৰিজান এলেকাত আধাৰ সেৱা কেন্দ্ৰৰ অভাৱত সাধাৰণ ৰাইজে দূৰ্ভোগ ভুগিছে বুলি অভিযোগ কৰাৰ পিছত উপায়ুক্ত গৰাকীয়ে বিষয়টো গুৰুত্ব সহকাৰে লোৱাৰ লগতে আৰক্ষী অধীক্ষক গৰাকীয়ে ড্ৰাগছৰ প্ৰতি আসক্ত থকা যুৱচামক চিনাক্ত কৰি তেওঁলোকক পুণ: সংস্থাপন কি দৰে কৰা হয় সেই লৈ আমছুৰ সঁজাতি দলটোক পৰামৰ্শ আগবঢ়ায় ৷
আনহাতে আমছুৰ সঁজাতি দলটোৱে শীৰ্ষ প্ৰশাসনিক বিষয়া দুগৰাকীক চেনেহৰ উপহাৰ স্বৰূপে একোখনকৈ আমছুৰ স্মাৰক উপহাৰ হিচাপে প্ৰদান কৰে ৷ আমছুৰ সঁজাতি দলটোত ক্ৰমান্বয়ে সভাপতি মাজিদ খান, উপসভাপতি ৱালি শ্বাহৰ নেতৃত্বত বকলীয়াঘাট আৰু বালিজান আঞ্চলিকৰ কেইবাগৰাকী শীৰ্ষ নেতৃত্ব উপস্থিত আছিল
