নিউজ ডেস্কঃ
দেশত মুঠ ক’ৰোনা আক্রান্তৰ সংখ্যাই ৩৫ লাখর সীমা অতিক্রম কৰিলে। যোৱা ২৪ ঘণ্টাত নতুনকৈ ৭৮ হাজাৰৰো অধিক লোক নোভেল ক’ৰোনাত আক্রান্ত হৈছে। এনেদৰে চলি থাকিলে ছেপ্টেম্বৰৰ আৰম্ভণিতেই বিশ্ব তালিকাত ভাৰতে ব্রাজিলক চেৰ পেলাই যাব বুলি বহুতেই অনুমান কৰিছে। একে সময়তে মৃত্যুৰ হিচাপতো আজি মেক্সিকোক অতিক্ৰম কৰি তৃতীয় স্থানলৈ আহে ভাৰত।
দেওবাৰে পুৱা কেন্দ্রীয় স্বাস্থ্য মন্ত্রালয়ে প্ৰকাশ কৰ পৰিসংখ্যা অনুযায়ী, যোৱা ২৪ ঘণ্টাত দেশত নতুনকৈ নোভেল কৰোনাত আক্রান্ত হৈছেন ৭৮ হাজাৰ ৭৬১ জন, দৈনিক সংক্রমণ বৃদ্ধিৰ হিচাপত যিটো এই পর্যন্ত সর্বাধিক। সকলো মিলি দেশত বৰ্তমান মুঠ কৰোনা আক্রান্তৰ সংখ্যা হৈছে ৩৫ লাখ ৪২ হাজাৰ ৭৩৩।
ইফালে এই সময়ছোৱাত আমেৰিকা-ব্রাজিলৰ দৰে দেশত দৈনিক সংক্রমণ ৫০ হাজাৰৰ তলত বান্ধি ৰাখিব পাৰিছে। যোৱা ২৪ ঘণ্টাত আমেৰিকাত নতুনকৈ কোভিডত সংক্রমিত হৈছে ৪৬ হাজাৰ ৭৩৯ জন আৰু ব্রাজিলত ৪১ হাজাৰ ৩৫০ জন৷ মুঠ আক্রান্তৰ হিচাপত এই মুহূর্তত বিশ্ব তালিকাত শীর্ষত আছে আমেৰিকা। দেশখনত এই পর্যন্ত ৫৯ লাখ ৬০ হাজাৰ ৬৫২ জন কৰোনাত আক্রান্ত হোৱাৰ বিপৰীতে ব্রাজিলত আক্রান্তৰ সংখ্যা ৩৮ লাখ ৪৬ হাজাৰ ১৫৩। তাৰ পিছতেই আছে ভাৰত।
আনহাতে, যোৱা ২৪ ঘণ্টাত দেশত ৯৪৮ জন ক’ৰোনা ৰোগীয়ে প্রাণ হেৰুৱাইছে। সকলোমিলি দেশত এতিয়ালৈ ৬৩ হাজাৰ ৪৯৮ জন কৰোনা ৰোগীৰ মৃত্যু হৈছে। মৃত্যুৰ সংখ্যাত আজি মেক্সিকোক চেৰ পেলাই বিশ্ব তালিকাত তৃতীয় স্থানলৈ আহে ভাৰত। তালিকাৰ শীর্ষত আছে আমেৰিকা। ক’ৰোনাৰ প্রকোপত এতিয়ালৈ আমেৰিকাত মৃত্যু হৈছে ১ লক্ষ ৮২ হাজাৰ ৭৬০ জন৷ দ্বিতীয় স্থানত থকা ব্রাজিল মৃত্যু হৈছে ১ লক্ষ ২০ হাজাৰ ২৬২ জন ক’ৰোনা ৰোগী। চতুর্থ স্থানত থকা মেক্সিকোত মুঠ মৃত্যু সংখ্যা ৬৩ হাজাৰ ৮১৯। অৱশ্যে আমেৰিকা আৰু ব্রাজিলৰ তুলনাত ভাৰতত মৃত্যুৰ হাৰ বহু কম। এই মুহূর্তত দেশত মৃত্যুৰ হাৰ ১.৭৯ শতাংশ।
আক্রান্তৰ সংখ্যা বাঢ়িলেও, সুস্থতাৰ হাৰ যথেষ্ট সন্তোষজনক। যোৱা ২৪ ঘণ্টাত দেশত ৬৪ হাজাৰ ৯৩৫ জন ক’ৰোনা ৰোগী সুস্থ হৈ উঠিছে। সকলো মিলাই এতিয়ালৈ ২৭ লক্ষ ১৩ হাজাৰ ৯৩৩ জন কৰোনা ৰোগী সুস্থ হৈছে ভাৰতত। অর্থাৎ দেশত নোভেল ক’ৰোনাত আক্রান্ত হোৱাৰ ভতৰত ৭৬ শতাংশই সুস্থ হৈ উঠিব পাৰিছে। দেওবাৰৰ পুৱা পর্যন্ত দেশত মুঠ সক্রিয় ক’ৰোনা ৰোগীৰ সংখ্যা ৭ লক্ষ ৬৫ হাজাৰ ৩০২।
ইফালে যোৱা ২৪ ঘণ্টাত দেশত সংক্রমণ হাৰ ৭.৪৭ শতাংশ। এই সময়ছোৱাত দেশত ১০ লক্ষ ৫৫ হাজাৰ ২৭ জনৰ কৰোনা পৰীক্ষা হৈছে, যিটো এতিয়ালৈকে সর্বোচ্চ। সংক্রমণৰ হিচাপত শীর্ষত থকা মহাৰাষ্ট্রত এই পর্যন্ত ৭ লাখ ৬৪ হাজাৰ ২৮১ জন কোভিডত আক্রান্ত হৈছে। ইয়াৰ ৫ লাখ ৫৪ হাজাৰ ৭১১ জন সুস্থও হৈছে। আনহাতে, নোভেল ক’ৰোনাৰ প্রকোপত এই পর্যন্ত ৰাজ্যখনত ২৪ হাজাৰ ১০৩ জনে প্রাণ হেৰুৱাইছে।
তালিকাৰ দ্বিতীয় স্থানত থকা তামিলনাডুত মুঠ আক্রান্তৰ সংখ্যা ৪ লাখ ১৫ হাজাৰ ৫৯০ৰ ভিতৰত ৩ লাখ ৫৫ হাজাৰ ৭২৭ জন সুস্থ হৈছে। মৃত্যু হৈছে ৭ হাজাৰ ১৩৭ জন ৰোগীৰ। তৃতীয় স্থানত থকা অন্ধ্রপ্রদেশত ৪ লা ১৪ হাজাৰ ১৬৪ জন ক’ৰোনাত আক্রান্ত হোৱাৰ বিপৰীতে সুস্থ হৈ উঠিছে ৩ লাখ ১২ হাজাৰ ৬৮৭ জন। কিন্তু মৃত্যুৰ হিচাপত অন্ধ্রতকৈ আগত কর্নাটক। অন্ধ্রত ৩ হাজাৰ ৭৯৬ জনৰ মৃত্যু হোৱাৰ বিপৰীতে কর্নাটকত মৃত্যু হৈছে ৫ হাজাৰ ৪৮৩ জন। কর্নাটকত মুঠ আক্রান্ত ৩ লক্ষ ২৭ হাজাৰ ৭৬, সুস্থ হৈছে ২ লক্ষ ৩৫ হাজাৰ ১২৮ জন ক’ৰোনা ৰোগী।
