আজি ডিফুত (Diphu) বিজেপি দলৰ এক বিশাল যোগদান (Huge joining in BJP) কাৰ্যসূচী অনুষ্ঠিত হৈ যায়। কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তথা ৰংখাং সমষ্টিৰ বিধায়ক তুলিৰাম ৰংহাঙৰ উপস্থিতিত (presence of Tuliram Ronghang) যোগদান কাৰ্যসূচী সম্পন্ন কৰা হয়। ২০২৭ চনৰ স্বায়ত্ত শাসিত পৰিষদৰ নিৰ্বাচনৰ প্ৰতি লক্ষ্য ৰাখি শাসকীয় দল বিজেপিয়ে আয়োজন কৰা যোগদান কাৰ্যসূচীত বিৰোধী দল কংগ্ৰেছ, এ পি এইচ এল চিৰ শতাধিক সমৰ্থকে নিজ নিজ দল ত্যাগ কৰি আনুষ্ঠানিকভাৱে বিজেপি দলত যোগদান কৰে।
জিলা বিজেপিৰ উদ্যোগত আয়োজিত যোগদান কাৰ্যসূচীত উপস্থিত থকা মুখ্য কাৰ্যবাহী সদস্য তুলিৰাম ৰংহাঙে আজি বিজেপি দলত নতুনকৈ যোগদান কৰা সমৰ্থকসকলক বিজেপি দললৈ আদৰণি জনাই বিজেপি দলৰ উন্নয়নমূলক কাম-কাজ দেখি আন দলৰ সমৰ্থকে স্বেচ্ছাই বিজেপি দলত যোগদান কৰা বুলি মত প্ৰকাশ কৰে। যোগদান কাৰ্যসূচীৰ অন্তত মুখ্য কাৰ্যবাহী তথা বিধায়ক ৰংহাঙে সংবাদ মাধ্যমৰ সন্মুখীন হৈ বিভিন্ন প্ৰশ্নৰ উত্তৰ দিয়ে। মন্ত্ৰীসভা সম্প্ৰসাৰণ সন্দৰ্ভত সোধা প্ৰশ্নৰ উত্তৰত ৰংহাঙে কয় যে তেওঁ মন্ত্ৰী পদৰ দাবী কৰা নাই। মই বিজেপি দলৰ এজন সাধাৰণ কৰ্মী। দলৰ হাইকমাণ্ডে যি সিদ্ধান্ত ল’ব মই মানি ল’ম বুলি ৰংহাঙে কয়। বিৰোধী এপিএইচএলচি দলৰ সভাপতি জে আই কাথাৰক সমালোচনা কৰি ৰংহাঙে কয় যে কথাৰে জিলাখনত কাৰ্বি আৰু অনাকাৰ্বিৰ মাজত বিভাজন সৃষ্টি কৰাৰ পৰিকল্পনা কৰিছে।
