নিউজ ডেস্ক:
ক’ৰোনাকালতো ধর্ষণকাৰীৰ কবলৰ পৰা ৰেহাই নাপালে ৮ বছৰীয়া শিশু কন্যাই। লুকাভাকু খেলাৰ নামত শিশু কন্যাক গণধর্ষণৰ অভিযোগ উঠিছে ৭ নাবালকৰ বিৰুদ্ধে। ঘটনাটো ঘটিছে ত্রিপুৰাত।
স্থানীয় উপ-সংমণ্ডলীয় আৰক্ষী বিষয়া প্রিয়া মাধুৰী মজুমদাৰে জনোৱা মতে, ৭ জনৰ বিৰুদ্ধে নাবালিকাগৰাকীৰ পিতৃয়ে থানাত গণধর্ষণৰ অভিযোগ আনিছে।
আৰক্ষী সূত্রে জানিব পৰা মতে, পশ্চিম ত্রিপুৰা জিলাত নাবালিকাগৰাকীৰ ঘৰ। স্কুলৰ পৰা আহি খেলিবলৈ গৈছিল তৃতীয় শ্রেণীৰ ছাত্রীগৰাকী। সেই সময়তে লুকাভাকু খেলাৰ চলেৰে তেওঁক গণধর্ষণ কৰি ৭জন নাবালকে। ঘৰলৈ আহি পিতৃ-মাতৃক বিষয়টো জনায় নাবালিকাগৰাকীয়ে। কন্যাৰ কথা শুনাৰ পিছতেই থানাত গৈ অভিযোগ দাখিল কৰে নাবালিকাগৰাকীৰ পিতৃয়ে।
জানিব পৰা মতে, ৭ জনৰ ভিতৰৰ ৪ জন অভিযুক্তক জুভেনাইল হোমত ৰখা হৈছে। ২ জন নাবালকৰ কৰোনা পৰীক্ষাৰ ফল পজিটিভ অহাত সিহঁতক হস্পিটেলত ভৰ্তি কৰোৱা হৈছে। আৰু এজন অভিযুক্ত এতিয়াও পলাতক। তাৰ সন্ধানত আৰক্ষীয়ে তালাচী চলাই আছে। নাবালিকাগৰাকীৰো মেডিকেল পৰীক্ষা কৰোৱা হ’ব। স্থানীয় স্বেচ্ছাসেৱী সংস্থাই নাবালিকাগৰাকীৰ মানসিক পৰিস্থিতিৰ ওপৰত নজৰ ৰাখিছে।
