নিউজ ডেস্ক:
দাউ দাউকৈ জুই জ্বলি উঠিল গুজৰাটৰ চুৰাটৰ অ অএনজিচি প্লেণ্ট। জানিব পৰা মতে, বুধবাৰে পুৱতি নিশা তিনিমান বজাত এই জুই লাগে। জুই লগাৰ ফলত এতিয়ালৈ কোনো প্রাণহানিৰ খবৰ পোৱা হোৱা নাই।
জুই নিয়ন্ত্রণলৈ অনাৰ কাম ইতিমধ্যেই আৰম্ভ কৰিছে অগ্নিনিৰ্বাপক বাহিনীয়ে। কেইবাখনো গাড়ীৰে জুই নুমাবৰ চেষ্টা কৰি থকা হৈছে। এই ভয়াৱহ জুইৰ ক’লা ধোঁৱাই পার্শ্ববর্তী এলেকা পর্যন্ত আৱৰি ধৰিছে।
প্লেণ্টৰ ভিতৰত বিস্ফোৰণৰ ফলতেই এই জুই লগা বুলি প্রাথমিকভাবে অনুমান কৰা হৈছে। প্লেণ্টৰ ১০ কিলোমিটাৰ দূৰলৈকে বিস্ফোৰণৰ শব্দ শুনা বুলি দাবী স্থানীয় বাসিন্দাৰ।
