নিউজ ডেস্কঃ
বছৰী দুই লাখ টকাৰ তলত আয় কৰা পৰিয়ালৰ পৰীক্ষাৰ্থীয়ে পৰীক্ষাৰ মাচুল দিব নালাগে৷ হাইস্কুল শিক্ষান্ত পৰীক্ষা আৰু অসম হাই মাদ্ৰাছা পৰীক্ষাৰ পৰীক্ষাৰ্থীসকলৰ পিতৃ-মাতৃ, অভিভাৱকলৈ এই সকাহ দিছে ছেবা অৰ্থাৎ অসম মাধ্যমিক শিক্ষা পৰিষদে ৷
উল্লেখ্য যে যিসকল পৰীক্ষাৰ্থীৰ পৰিয়ালৰ বছৰী দুই লাখ টকাৰ তলত আয় সেই পৰীক্ষাৰ্থীয়ে পৰীক্ষাৰ মাচুল দিব নালাগে৷ চৰকাৰৰ এক অধিসূচনাত এই কথা প্ৰকাশ৷ এই ক্ষেত্ৰত উপযুক্ত প্ৰমাণপত্ৰ, নথীপত্ৰসহ বিদ্যালয়ৰ প্ৰধানৰ লগত যোগাযোগ কৰিব লাগিব পৰীক্ষাৰ্থীৰ পৰিয়ালে৷ একেটা নিৰ্দেশনাত ২০২১ চনৰ হাইস্কুল শিক্ষান্ত পৰীক্ষা আৰু অসম হাই মাদ্ৰাছা পৰীক্ষাৰ মাচুল ধাৰ্য কৰিছে৷ সেই অনুসৰি পৰীক্ষাৰ মাচুল ৬৫০ টকা আৰু প্ৰেকটিকেল পৰীক্ষাৰ মাচুল ১৫০ টকা ধাৰ্য কৰিছে৷ ২ নৱেম্বৰৰ পৰা অনলাইন পৰ্টেলত এই মাচুলৰ কাম আৰম্ভ হৈছে আৰু ২৩ নৱেম্বৰ অন্তিম দিন৷ সবিশেষ এই ছেবাৰ ৱেবছাইট www.sebaonline.orgত উপলব্ধ৷
