ষ্টাফ ৰিপ’ৰ্টাৰ:
বিটিচিৰ পৰৱৰ্তী প্ৰধান হিচাপে শপত ল’বলৈ আগবাঢ়িছে প্ৰমোদ বড়ো৷ ছাত্ৰনেতাৰ পৰা ৰাজনীতিত প্ৰৱেশৰ প্ৰথমটো পদক্ষেপতে বৃহৎ সফলতা লাভ কৰিছে প্ৰমোদ বড়োই৷ মঙলবাৰে অনুষ্ঠিত হ’ব শপতগ্ৰহণ অনুষ্ঠান৷
বড়োফা নগৰৰ গ্ৰীণ ফিল্ডত অনুষ্ঠিত হ’ব এই শপতগ্ৰহণ অনুষ্ঠান৷ তাৰ বাবে এতিয়া তাত যুদ্ধসদৃশ তৎপৰতা৷ উল্লেখ্য, কাইলৈৰ শপতগ্ৰহণ অনুষ্ঠানত মুখ্য অতিথি হিচাপে উপস্থিত থাকিব মুখ্যমন্ত্ৰী সৰ্বানন্দ সোণোৱাল৷ লগতে উপস্থিত থাকিব মন্ত্ৰী হিমন্ত বিস্ব শৰ্মাকে ধৰি কেইবাজনো মন্ত্ৰী৷ উপস্থিত থাকিব বিজেপিৰ একাধিক নেতাও৷
ইফালে শপতগ্ৰহণ প্ৰাকক্ষণত আজি কোকৰাঝাৰত উপস্থিত হয় প্ৰমোদ বড়ো৷ তেওঁৰ আগমনৰ লগে লগে উদুলি-মুদুলি হৈ পৰে সমগ্ৰ কোকৰাঝাৰ৷ অগণন ৰাইজে তেওঁক উষ্ম আদৰণি জনায়৷
উল্লেখ্য, কাইলৈ বিটিচি পৰিষদত পাঁচজনে শপত ল’ব৷ ইউপিপিএলৰ পৰা হ’ব মুখ্য কাৰ্যবাহী, উপ-মুখ্য কাৰ্যবাহী৷ কাইলৈ ইউপিপিএলৰ ২জন, বিজেপিৰ ২জন আৰু জিএছপিৰ এজনে ল’ব শপত৷
