কেইদিনমান পূৰ্বে অসমৰ শিক্ষামন্ত্রী হিমন্ত বিশ্ব শর্মাই মন্তব্য কৰিছিল চৰকাৰী ধনেৰে আৰু কোৰানৰ শিক্ষা নহয়, সেয়ে বন্ধ কৰি দিয়া হ’ব চৰকাৰৰ দ্বাৰা পৰিচালিত সকলো মাদ্রাছা। তাৰেই ব্যৱস্থা গ্ৰহণৰ প্ৰথম পৰ্যায়ৰ কাম আৰম্ভ কৰিলে অসম চৰকাৰে। সোমবাৰে সকলো চৰকাৰী মাদ্রাছা বন্ধ কৰাৰ প্রস্তাৱিত বিধেয়ক বিধানসভাত উত্থাপন কৰে অসম চৰকাৰে।
সোমবাৰে বিলখন বিধানসভাত উত্থাপন কৰে ৰাজ্যৰ শিক্ষামন্ত্রী হিমন্ত বিশ্ব শর্মাই। প্রস্তাৱ অনুযায়ী, অসমৰ সকলো চৰকাৰী মাদ্রাছা সাধাৰণ স্কুললৈ সলনি কৰা হ’ব। আগন্তুক ২০২১ চনৰ ১ এপ্রিলৰ পৰা এই সিদ্ধান্ত কার্যকৰী কৰাৰ কথা বিলখনত কোৱা হৈছে।
এই সন্দৰ্ভত শিক্ষামন্ত্রীয়ে স্পষ্টভাৱে কয়, চৰকাৰী ধনেৰে যদি কোৰান শিক্ষা দিবলগা হয়, তেনেহ’লে বাইবেল আৰু ভাগৱত গীতাৰ শিক্ষাও দিয়া উচিত। সেয়ে আমি ঠিক কৰিছোঁ, চৰকাৰী ধনেৰে সকলো ধর্মৰ শিক্ষা দিয়াটো বন্ধ কৰি দিয়া হ’ব।
উল্লেখ্য, অসমত বর্তমান ৬১৪খন চৰকাৰী মাদ্রাছা আছে।
