স্বাস্থ্য প্ৰতিবেদন:
পাচলি বুলি ক’লে ৰঙালাও বা মিঠালাওৰ কথা নক’লেও চলে। বিশেষকৈ এই বতৰত বিয়া-কাজত মিঠালাও পাচলিৰ এক অন্যতম উপকৰণ। তাৰোপৰি মিঠালাও বা ৰঙালাওৰ আছে বহু গুণ। পুষ্টিগুণেৰে ভৰা এই পাচলিয়ে দেহৰ ৰোগ প্রতিৰোধ কৰে।
ইয়াত থকা ভিটামিন-এই চকুক কর্নিয়াৰ পৰা ৰক্ষা কৰি থাকে। মিঠালাওত ভিটামিন-এ, বি-কমপ্লেক্স, চি, ই, পটাচিয়াম, মেগনেচিয়াম, আয়ৰন, জিংক, ফ্লেভনয়েড পলি-ফেনলিক, এন্টিঅক্সিডেণ্ট উপাদানসমূহ যেনে লিউটিন, জেনথিন আৰু বহুতো উপাদান আছে। ইয়াত কেলৰিও খুব কম থাকে।
এই পাচলিয়ে শৰীৰৰ কলেষ্টেৰল কমাই মেদ সৰোৱাত সহায় কৰে। ই মানব দেহৰ সুস্থ ত্বক গঠনত সহায় কৰে। এই পাচলিত কেৰটিনয়েড নামক উপাদান আছে, যিয়ে চকুত ছানি পৰা আৰু যিকোনো বয়সত চকুৰ সমস্যা হোৱাৰ সম্ভাৱনাৰ পৰা ৰক্ষা কৰি থাকে।
মিঠালাওৰ আৰু কিছু গুণ :
১। প্রচুৰ পৰিমাণে ভিটামিন চি আছে। যিয়ে চর্দি-কাহ, ঠান্ডা লগা প্রতিৰোধ কৰাত সহায় কৰে।
২। এন্টি অক্সিডেন্ট সমৃদ্ধ হোৱাত কলেষ্টেৰল কম ৰখাত সহায় কৰে।
৩। প্রচুৰ পৰিমাণে ভিটামিন এ আছে।
৪। কেলৰিৰ পৰিমাণ খুব কম। আৰু ফাইবাৰৰ পৰিমাণ বেছি থকাত হজমত সহায়ক।
৫। কেন্সাৰ প্রতিৰোধত সহায় কৰে, কাৰণ ই এন্টি অক্সিডেন্ট সমৃদ্ধ।
৬। গাজৰৰ তুলনাত মিঠালাওত প্রচুৰ পৰিমাণে বিটা কেৰটিন আছে। যি চকুৰ বাবে ভাল।
৭। ই ডিপ্রেচন কম ৰখাত সহায় কৰে।
৮। ভিটামিন-এ চিকচিকিয়া আৰু উজ্জ্বল চুলি আৰু ত্বকৰ বাবে উপকাৰী। সেয়ে মিঠালাও খোৱাটো অত্যন্ত জৰুৰী।
৯। প্রচুৰ পৰিমাণে মেগনেচিয়াম আৰু ভিটামিন চি আছে।
১০। প্রচুৰ পৰিমাণে পটাচিয়াম বিদ্যমান থকাত হাইপাৰটেনচন হোৱাৰ সুবিধা খুব কম।