ষ্টাফ ৰিপ’ৰ্টাৰ
অসম জাতীয় পৰিষদ-ৰাইজৰ দলৰ আসন বুজাবুজি চূড়ান্ত। গুৱাহাটীৰ মেডিকেল কলেজ হাস্পতালত চূড়ান্ত হ’ল প্ৰাৰ্থী তালিকা। চিকিৎসাধীন ৰাইজৰ দলৰ সভাপতি অখিল গগৈৰ কেবিনত প্ৰায় দুই ঘণ্টা ধৰি বৈঠকত মিলিত এজেপিৰ সভাপতি লুৰীণজ্যোতি গগৈ।
বৈঠকৰ অন্তত এজেপি সভাপতি লুৰীনে কয়- শীঘ্ৰে ৰাজহুৱা কৰা হ’ব সকলো কথা। এজেপি-ৰাইজৰ দলে যৌথ সংবাদমেল সম্বোধন কৰি ঘোষণা কৰা হ’ব সকলো কথা।
প্ৰথম পৰ্যায়ৰ প্ৰায় সকলো সমষ্টিতে দিয়া হ’ব প্ৰাৰ্থীত্ব- এই কথা জানিব দিয়ে এজেপি সভাপতিগৰাকীয়ে।
অসমত এজেপি-ৰাইজৰ দলৰ হৈ নিৰ্বাচনী প্ৰচাৰ চলাবলৈ দিল্লীৰ মুখ্যমন্ত্ৰী অৰবিন্দ কেজৰীৱাল অহা বিষয়টোক লৈ আলোচনা চলি থকা কথা স্পষ্ট কৰি দিয়ে লুৰীণে।
হাগ্ৰামা মহিলাৰীয়ে মহাজোটত চামিল হোৱাৰ পিছত এজেপি-ৰাইজৰ দলে নিজা ৰণকৌশল প্ৰস্তুত কৰিব বিটিএডি ১২টা সমষ্টি বাবে- সদৰী কৰিলে সভাপতিগৰাকীয়ে।
তাৎপৰ্যপূৰ্ণ কথা জিএমচিএইচত অখিলৰ কক্ষত ভিৰ লাগিছে প্ৰাৰ্থীত্ব প্ৰত্যাশিৰ। প্ৰাক্তন মন্ত্ৰী ভবেন বৰুৱা, শিল্পী মানস ৰবীন উপস্থিত হৈছে জিএমচিএইচত।
উল্লেখ্য বৈঠকত উপস্থিত থাকি ৰাইজৰ দলৰ কাৰ্যকৰী সভাপতি ভাস্ক-ডি শইকীয়া কয়- বিজেপিক পৰাস্ত কৰা বাবে ৰণনীতি প্ৰস্তুত কৰা হৈছে। দিছপুৰত কা’ বিৰোধী চৰকাৰ গঠন কৰা হ’ব।
