চামগুৰি আমবাগানত উপস্থিত স্মৃতি ইৰাণীৰ নিৰ্বাচনী প্ৰচাৰ। বিগত ১৫ বছৰ কাল কংগ্ৰেছ দলে দুখীয়াৰ স্বাৰ্থত একো নকৰিলে বুলি কোৱাৰ সমান্তৰালকৈ বিজেপি চৰকাৰে দুখীয়াৰ বাবে বেংকত একাউন্ট খুলিবলৈ অনুমতি দিয়াৰ সমান্তৰালকৈ ক’ৰোণা ভাইৰাছৰ কালত এই দুখীয়া মানুহখিনিকে সেই একাউন্টত টকা ভৰাই দিয়াৰ কথা ব্যক্ত কৰে। পৃথিৱীখন কল্যাণ আৰু বিকাশৰ বাবে আৰু বিকাশৰ বাবেই বিজেপিক ভোট দিব লাগে বুলি মন্তব্য কৰে কেন্দ্ৰীয় মন্ত্ৰীগৰাকীয়ে।
নগাঁও জিলাৰ ৮৮নং চামগুৰি বিধানসভা সমষ্টিৰ মিত্ৰজোঁটৰ বিজেপি দলৰ প্ৰাৰ্থী অনিল শইকীয়াৰ হৈ আজি চামগুৰি সমষ্টিৰ আমবাগানৰ জগদ্ধাত্ৰী মন্দিৰৰ প্ৰাংগনত নিৰ্বাচনী প্ৰচাৰ চলাই কেন্দ্ৰীয় মন্ত্ৰী স্মৃতি ইৰাণীয়ে চামগুৰি সমষ্টিৰ ৰাইজক এইবাৰ পদুম ফুলত ভোট দি অনিল শইকীয়াক বিকুল ভোটত জয়যুক্ত কৰিবলৈ আহ্বান জনোৱাৰ লগতে কলিয়াবৰ সমষ্টিৰ মিত্ৰজোঁতৰ অসম গণ পৰিষদৰ প্ৰাৰ্থী কেশৱ মহন্তক হাতীৰ ছবিত ভোট দি জয় যুক্ত কৰিবলৈ ৰাইজক আহ্বান জনাই ৷ চামগুৰি সমষ্টিৰ বিজেপি দলৰ প্ৰাৰ্থী অনিল শইকীয়াৰ প্ৰথম বিশাল নিৰ্বাচনী সভাত কেন্দ্ৰীয় মন্ত্ৰীগৰাকীয়ে সভাত কংগ্ৰেছ দলক সমালোচনা কৰি কয় “স্বাধীনতাৰ পাছত বছৰ বছৰ ধৰি কংগ্ৰেছে উন্নয়নৰ সপোন দেখুৱাইছিল; কিন্তু ২০১৪ৰ পাছৰ পৰাহে দেশত উন্নয়ন হৈছে। কংগ্ৰেছৰ ৬০ বছৰত অসমক ৬০ হেজাৰ কোটি টকাও দিয়া নাই।
২০১৯ত কেন্দ্ৰত পুনৰ বিজেপিৰ চৰকাৰ হোৱাত অসমক এক লাখ ৭০ হেজাৰ কোটি টকা দিছে বিকাশৰ বাবে; দুখীয়াৰ কল্যাণৰ বাবে। পদুম ফুলত ভোট দিয়াৰ বাবে কেন্দ্ৰত পুনৰ প্ৰধানমন্ত্ৰী নৰেন্দ্ৰ মোদীৰ নেতৃত্বত চৰকাৰ হ’ল; আৰু আশী কোটি লোকক বিনামূলীয়াকৈ ৰেছন যোগান ধৰিছে; কিন্তু কংগ্ৰেছৰ চৰকাৰ থকা হ’লে দৰিদ্ৰৰ কপালত থকা বিনামূলীয়া চাউল নাইকিয়া হ’ল হয়। এইদৰে কৈ কেন্দ্ৰীয় মন্ত্ৰীগৰাকীয়ে পুনৰ কয় “জনতা জনাৰ্দন; জনতা জনাৰ্দনে যেতিয়া পদুম ফুলত ভোট দিব; তেতিয়াই অসমত আকৌ এক নতুন দিগন্ত সুচনা হ’ব, দৰিদ্ৰৰ কল্যাণ হ’ব ৷ কলিয়াবৰ জিলা বিজেপিৰ সভাপতি তথা চামগুৰি সমষ্টি মিত্ৰজোঁটৰ বিজেপি দলৰ প্ৰাৰ্থী অনিল শইকীয়াৰ বিশাল নিৰ্বাচনী সভাখনত কলিয়াবৰ সমষ্টিৰ অগপ দলৰ প্ৰাৰ্থী কেশৱ মহন্ত উপস্থিত থাকি চামগুৰি সমষ্টিৰ ৰাইজক পদুম ফুলত ভোট দি অনিল শইকীয়াক জয়যুক্ত কৰিবলৈ আহ্বান জনোৱাৰ লগতে কলিয়াবৰবাসী ৰাইজক হাতীৰ ছবিত ভোট দিবলৈ অনুৰোধ জনাই ৷
লগতে কলিয়াবৰ জিলা বিজেপিৰ সভাপতি তথা চামগুৰি সমষ্টিৰ মিত্ৰজোঁটৰ বিজেপি দলৰ প্ৰাৰ্থী অনিল শইকীয়াই আদৰনি ভাষণ প্ৰদান কৰি কয় যে চামগুৰি সমষ্টিত ২০ বছৰে দুৰ্নীতি আৰু অপ শাসনৰ অৱসান হ’বলৈ ধৰিছে ৷ যাৰ বাবে আজি চামগুৰিৰ হাজাৰ হাজাৰ লোক ওলাই আহিছে আৰু এইবাৰ চামগুৰিত পদুম ফুল যে ফুলিব সেইটো নিশ্চিত বুলি উল্লেখ কৰে ৷
আজি অনুষ্ঠিত হোৱা বিশাল নিৰ্বাচনি সভাখনত অসম প্ৰদেশ ৰাজ্যিক মহিলা মৰ্চাৰ সভানেত্ৰী অপৰাজিতা ভুঞা লাওঁখোৱা মণ্ডল বিজেপিৰ সভাপতি সুব্ৰত্ত সিংহা বাজিয়াগাওঁ মণ্ডল বিজেপিৰ সভাপতি প্ৰানজিৎ বৰা অসম গণ পৰিষদৰ কেন্দ্ৰীয় সমিতিৰ উপ-সভাপতি মনিমাধৱ মহন্ত কলিয়াবৰ জিলা বিজেপিৰ উপ-সভাপতি জ্ঞানদ্বিপ মহন্তকে ধৰি বহুকেইজন নেতা উপস্থিত থাকে ৷
