নিউজ ডেস্কঃ
এছিয়া আৰু ইউৰোপক সংলগ্ন কৰা সুৱেজ খাল। বিশ্বৰ ১২ শতাংশ বাণিজ্য হয় লোহিত সাগৰ আৰু ভূমধ্যসাগৰৰ সংযোগকাৰী এই খাল বা কেনেলৰ মাধ্যমেৰে। আৰু তাতেই আবদ্ধ হৈ পৰিছে পানামাৰ এখন গগনচুম্বী মালবাহী জাহাজ।
সংবাদমধ্যমৰ খবৰ অনুসৰি, এই জাহাজখন আবদ্ধ হৈ ৰোৱাৰ ফলত সুৱেজ খালত আবদ্ধ হৈ আছে অন্য ১৫০খন জাহাজো। গতিকে ঘণ্টাত ক্ষতি হৈছে ৪০০ মিলিয়ন ডলাৰ।
মঙ্গলবাৰে এই জাহাজখন ভূমধ্যসাগৰৰ দিশে ৰাওনা হৈছিল। সেই সময়তে তীব্র বতাহত সেইখন খালৰ এক সংকীর্ণ অংশত আবদ্ধ হৈ পৰে। তাৰ পিছৰপৰা জাহাজখন উক্ত স্থানৰপৰা লৰচৰ কৰিব পৰা নাই। পানামাৰ The Ever Given নামৰ এই জাহাজখন আবদ্ধ হৈ যোৱাৰ ফলত প্রবল যানজটৰ সৃষ্টি হৈছে ব্যস্ত এই চুৱেজ খালত।
আনহাতে, জাহাজখনক মুক্ত কৰাৰ কামত নামি পৰিছে মিছৰ চৰকাৰ। নমোৱা হৈছে বহু কেইখন টাগ বোট। লগতে চুৱেজ খালৰ পাৰৰ মাটি কাটি ৪০০ মিটাৰ দীঘল এই জাহাজখনক লৰোৱাৰ চেষ্টা কৰা হৈছে।
সুৱেজ খাল কর্তৃপক্ষৰ তৰফৰপৰা জনোৱা হৈছে, জাহাজখন মুক্ত কৰিবলৈ বহু সপ্তাহ পর্যন্ত লাগি যাব পাৰে। কাৰণ গধুৰ জাহাজ আৰু তীব্র ধুলিৰ ধুমুহাই পৰিস্থিতি কঠিন কৰি তুলিছে।
