ASSAM TIMES POST
গুৱাহাটীঃ আগন্তুক লোকপিয়লত অন্তৰ্ভুক্ত নহয় অসম। গৃহ পৰিক্ৰমা মন্ত্ৰণালয়ৰ অধীনস্থ নাগৰিক পঞ্জীৰ মহা পঞ্জীয়কে জাৰি কৰা এখন ৰাজপত্ৰিত জাননীত এই কথা প্ৰকাশ পাইছে। উল্লেখ্য যে দেশৰ বাকীবোৰ ৰাজ্যত ২০২০ চনৰ ১ এপ্ৰিলৰপৰা ৩০ ছেপ্টেম্বৰলৈ উক্ত প্ৰক্ৰিয়া চলিব।
নাগৰিকত্ব (নাগৰিকৰ পঞ্জীয়ন আৰু ৰাষ্ট্ৰীয় পৰিচয় পত্ৰ জাৰি) অধিনিয়ম, ২০০৩ৰ বিধি ৩ আৰু উপ বিধি ৪ৰ অধীনত কেন্দ্ৰীয় চৰকাৰে জনসংখ্যা পঞ্জী প্ৰস্তুত কৰে।
এই অধিনিয়মৰ দফা ৪ (এ) অনুসৰি অসমত ৰাষ্ট্ৰীয় নাগৰিক পঞ্জী উন্নীতকৰণ হৈ থকাৰ পৰিপ্ৰেক্ষিতত নাগৰিকৰপৰা আবেদন পত্ৰৰ যোগেদি ব্যক্তি আৰু পৰিয়ালৰ তথ্য সংগ্ৰহ কৰা হৈছে, সেয়ে দফা ৪ৰ অধীনত দেশৰ আন ৰাজ্যত হ’ব লগীয়া ঘৰে-ঘৰে গৈ তথ্য সংগ্ৰহ প্ৰক্ৰিয়াত অসম অন্তৰ্ভুক্ত নহয়।
অসমৰ ক্ষেত্ৰত পৰৱৰ্তী সময়ত পৃথক ৰাজপত্ৰিত জাননীৰ যোগেদি এই প্ৰক্ৰিয়া আৰম্ভ কৰিব মহা পঞ্জীয়কে।