নিউজ ডেস্কঃ
মঙ্গলবাৰে নিশাৰ ভিতৰতে অতি শক্তিশালী ঘূর্ণী বতাহত পৰিণত হ’বলৈ আগবাঢ়িছে য়াশ। মঙ্গলবাৰে সন্ধ্যা ৫ বজাত বতৰ বিজ্ঞান কেন্দ্ৰই প্রকাশ কৰা বুলেটিনত এই ইঙ্গিত দিয়া হৈছে। উক্ত বুলেটিনত জনাইছে, বিগত ৬ ঘণ্টাত স্থলভাগৰ আৰু ওচৰ চাপি আহিছে ইয়াশ। তাৰ আগতেই শক্তিশালী ঘূর্ণী বতাহত পৰিণত হৈছে। পৰৱর্তী ৬ ঘণ্টাত সেয়া ‘অতি শক্তিশালী’ হোৱাৰ সম্ভাৱনা আছে। আৰু সেই অৱস্থা থাকিব পাৰে বুধবাৰে নিশা পর্যন্ত।
বুলেটিনত জনাইছে, ঘূর্ণী বতাহ য়াছ উত্তৰ-পশ্চিম বঙ্গোপসাগৰৰ ১৯ ডিগ্রি ১ মিনিট উত্তৰ অক্ষাংশ আৰু ৮৮ ডিগ্রি ১ মিনিট পূব দ্রাঘিমাংশত অৱস্থান কৰিছে। এই মুহূর্তত ওড়িশাৰ পাৰাদ্বীপৰ পৰা ২০০ কিলোমিটাৰ দক্ষিণ-পূব, ওড়িশাৰ বালেশ্বৰৰ পৰা ২৯০ কিলোমিটাৰ দক্ষিণ, দক্ষিণ-পূব,পশ্চিমবঙ্গৰ দীঘাৰ পৰা ২৯০ কিলোমিটাৰ দক্ষিণ দক্ষিণ-পূব আৰু সাগৰ দ্বীপৰ পৰা ২৮০ কিলোমিটাৰ দক্ষিণে অৱস্থান কৰিছে য়াশে। তাৰ অভিমুখ আছে ওড়িশাৰ বালেশ্বৰৰ দিশে।
বৃহস্পতিবাৰে দুপৰীয়া পর্যন্ত গভীৰ নিম্নচাপৰ প্রভাৱত অতি উচ্চ আৰু উচ্চ মাত্ৰাত বৃষ্টিপাতৰ সম্ভাৱনাৰ কথাও কোৱা হৈছে বুলেটিনত। পশ্চিবঙ্গৰ দুই মেদিনীপুৰ আৰু দক্ষিণ ২৪ পৰগনাত অতি বেছি বৃষ্টিপাতৰ আশঙ্কা আছে।
