ষ্টাফ ৰিপ’ৰ্টাৰ
ডিফু : মহামাৰী সদৃশ ক’ভিডৰ পৰা পৰিত্ৰাণ পাবলৈ দেশজুৰি চলি থকা ক’ভিডৰ প্ৰতিষেধক কাৰ্যসূচীৰ লগত সংগতি ৰাখি আজি কাৰবি আংলং জিলা ক্ৰীড়া সন্থাৰ উদ্যোগত আৰু গ্ৰেটাৰ ডিফু ক্ৰীড়া সন্থাৰ সহযোগত ডিফু কাছা স্পৰ্টচ কমপ্লেক্সত কভিড প্ৰতিষেধক কাৰ্যসূচী সম্পন্ন হৈ যায় ৷ ক্ৰীড়াবিধ, খেলুৱৈ, ৰেফাৰী আৰু “কাছা’ৰ বিষয়া-কৰ্মীসকলে অংশগ্ৰহণ কৰা প্ৰতিষেধক প্ৰদান কাৰ্যসূচীত উপস্থিত থাকে কাৰবি আংলং ক্ৰীড়া সন্থাৰ সাধাৰণ সম্পাদক পংকজ টেৰণ, প্ৰাক্তন সাধাৰণ সম্পাদক গৌতম তেৰাঙ, এভাৰেষ্ট বিজয়ী খৰছিং ৷
কাছা সাধাৰণ সম্পাদক পংকজ টেৰণে সাংবাদিকৰে সৈতে হোৱা বাৰ্তালাপত কয়যে, ক’ভিডৰ তৃতীয় ঢৌ আৰু খেলুৱৈ সকলৰ সু-স্বাস্থ্য লগতে সমাগত স্পৰ্টচ ইলেভেনৰ প্ৰতি লক্ষ্য ৰাখি সোমবাৰৰ পৰা দুদিনীয়া কাৰ্যসূচীৰে কাছা কমপ্লেক্সত ক’ভিড ভেকচিনৰ ‘ক’ভিশ্বল্ড ‘প্ৰদান কাৰ্যসূচী গ্ৰহণ কৰা হৈছে ৷ খেলুৱৈসকলৰ লগতে সাধাৰণ লোকে এই কেন্দ্ৰত ভেকচিন গ্ৰহণ কৰিব পাৰিব বুলি জনায় পংকজ টেৰণে ৷ ইয়াৰোপৰি সাধাৰণ সম্পাদকগৰাকীয়ে সময়ত সকলোকে ক’ভিড ভেকচিন গ্ৰহণ কৰিবলৈ আহ্বান জনায় ৷
