ষ্টাফ ৰিপ’ৰ্টাৰ
পশ্চিম কাৰ্বিআংলং : ডিমা হাছাও জিলাৰ সীমান্তৱৰ্তী দৈয়াংমুখত সংঘটিত হৈছে গুলিয়াগুলী ৷ ডিমা হাছাও জিলাৰ ৰেঞ্জাৰ বিলৰ ডিউমব্ৰাত সংঘটিত এই ঘটনা ৷ ডিমাছা উগ্ৰপন্থী সংগঠন DANLয়ে পাঁচখন কয়লা আৰু চুণশিল ভৰ্তি ট্ৰাকত অগ্নিসংযোগ কৰাৰ লগতে গুলিচালনা কৰে ৷ ট্ৰাক কেইখন জুইত সম্পুৰ্ণৰূপে জ্বলি ছাৰখাৰ হোৱাৰ লগতে গুলিবিদ্ধ হৈ নিহত হৈছে গাড়ীকেইখনৰ চালক-হেণ্ডিমেনসহ পাঁচজন লোক। কয়লা আৰু চূণশীল লৈ ট্ৰাক কেইখন ডিমা হাচাও জিলাৰ উমৰাংচৰ পৰা লংকাৰ ডালমিয়া চিমেন্ট ফেক্টৰীলৈ গৈ আছিল। ঘটনাস্থলীত নিশাই আৰক্ষী আৰু অগ্নিনিৰ্বাপক বাহিনীৰ লোক উপস্থিত হয়। উক্ত গুলিচালনাত চালক আচকৰ আলি, চালক চিকণ্ডৰ আলি, চালক গৰপদ’ মজোমণ্ডাৰ, হেণ্ডিমেন দিলৱাৰ হুছেইন, নিহত হোৱাৰ লগতে চালক প্ৰণৱ সিংহা আৰু ফাৰুক আহমেদ গুৰুত্বৰ বাবে আহত হয়।
আনহাতে আজি ঘটনাস্থলিত উপস্থিত হয় IGP Dipok Kedia, SP Jayant Sing , Addl. SP Indranil Boruaৰ লগতে বহুকেইজন উচ্চ পৰ্যায়ৰ আৰক্ষী বিষয়া।
