নিউজ ডেক্স:
শুক্র আৰু শনিবাৰৰ দৰেই দেওবাৰেও দেশৰ দৈনিক সংক্রমণ ১৫ হাজাৰৰ তলত। কেন্দ্রীয় স্বাস্থ্য মন্ত্ৰালয়ৰ তথ্য অনুযায়ী, দেওবাৰে আক্রান্ত হৈছে ১২ হাজাৰ ৮৩০ জন। ইয়াকে লৈ দেশত মুঠ আক্রান্ত হৈছে ৩ কোটি ৪২ লক্ষ ৭৩ হাজাৰ ৩০০জন।
আনহাতে, বিগত ২৪ ঘণ্টাত দেশত ক’ৰোনাত আক্রান্ত হৈ মৃত্যু হৈছে ৪৪৬ জনৰ। মুঠ মৃত্যু হৈছে ৪ লক্ষ ৫৮ হাজাৰ ১৮৬ জন।
বৰ্তমান দেশত সক্রিয় ক’ৰোনা ৰোগীৰ সংখ্যা ১ লক্ষ ৫৯ হাজাৰ ২৭২। দেশত সুস্থতাৰ হাৰ ৯৮.২০ শতাংশ। বিগত ২৪ ঘণ্টাত দেশত মুঠ ১৪ হাজাৰ ৬৬৭ জন ক’ৰোনাৰ পৰা সুস্থ হৈছে। ইয়াকে লৈ দেশত ক’ৰোনাৰ পৰা সুস্থ হ’ল মুঠ ৩ কোটি ৩৬ লক্ষ ৫৫ হাজাৰ ৮৪২ জন।
