হোজাই লংকাৰ পৰা মনোজ কুমাৰ পাঠক
এম্বুলেন্সৰ পৰা নমাই টানি চুচুৰাই জঘন্য আক্ৰমণ কৰা ঘটনা সংঘটিত হৈছে হোজাইত। সঞ্জীৱ বসুমতাৰী নামৰ চালকজনক গাৰ কাপোৰ ফালি-ছিঙি আক্ৰমণ। নিশা নীলবাগান হোজাই সংযোগী পথৰ চিকাৰী বাড়ী পথত সংঘটিত হৈছে এই আক্ৰমণৰ ঘটনা। এম্বুলেন্স চালক সঞ্জীৱ বসুমতাৰীৰ ওপৰত আক্ৰমণ কৰাক লৈ ওলাই আহিল এম্বুলেঞ্চ চালককসকল।
গাড়ী অভাৰটেক কৰাক লৈ হোজাইৰ চিকাৰী বাড়ী পথত সংঘটিত হৈছে এই চাঞ্চল্যকৰ মাৰপিটৰ ঘটনা। এম্বুলেন্স চালকসকলে হোজাই জিলা উপায়ুক্তৰ কাষ চাপি বিষয়টো অৱগত কৰি বিহিত ব্যৱস্থা গ্রহণৰ দাবী জনায়।
চাৰিচকীয়া AS 01 EP 5817 নম্বৰৰ GLANZA বাহনে এম্বুলেন্সখনক আগভেটি ধৰি অতি নিৰ্মমভাৱে প্ৰহাৰ কৰে। গাড়ী অভাৰটেক কৰাক লৈ ৰাজপথত নিৰ্মমভাৱে প্ৰহাৰ কৰা বুলি অভিযোগ কৰিছে চালকজনে ৷ লংকাত ৰোগী ৰাখি ডংকমোকামলৈ গৈ থকাৰ সময়তেই নীলবাগান হোজাই পথত সংঘটিত হয় এই ঘটনা।
ঘটনা সংক্ৰান্তত নীলবাগান আৰক্ষী পহৰা চকীত AS 01 EP 5817 নম্বৰৰ GLANZA বাহনখনৰ বিৰুদ্ধে গোচৰ ৰুজু। হোজাই মোৰাঝাৰ আৰক্ষীয়ে আৰম্ভ কৰিছে জোৰদাৰ তদন্ত ।
