নিউজ ডেস্কঃ
কংগ্ৰেছৰ প্ৰতিষ্ঠা দিৱসৰ কেন্দ্ৰীয় অনুষ্ঠানত চৰম অথন্তৰ৷ দলৰ ১৩৭ সংখ্যক প্রতিষ্ঠা দিৱসৰ পতাকা উত্তোলনত বিপত্তি হয় কংগ্ৰেছৰ৷ যাৰ ফলত চৰম অস্বস্তিত পৰিবলগা হয় খো দছোনিয়া গান্ধী। ছোনিয়া গান্ধীয়ে দিল্লীৰ সদৰ কাৰ্যালয়ত পতাকা উত্তোলন কৰিবলৈ লওঁতেই ঘটে এই অথন্তৰ৷ ছোনিয়া গান্ধীয়ে প্রতিষ্ঠা দিৱসৰ পতাকা উত্তোলন কৰিবলৈ লওঁতেই হঠাৎ পতাকাখন ৰছীৰ পৰা খুলি খুঁটাৰ ওপৰতে পৰি যায়। উপায়ন্তৰ হৈ পতাকাখন দাঙি ধৰিয়ে উন্মোচন কৰা হয়৷ পুনৰ উত্তোলন কৰিব পৰা নগ’ল।
উত্তোলন কৰিবলৈ লওঁতেই ছিগি পৰা পতাকাখন উপায়ন্তৰ হৈ ছোনিয়া গান্ধী, দলৰ কোষাধ্যক্ষ পৱন বানছাল আৰু সর্বভাৰতীয় কংগ্রেছ কমিটিৰ সাধাৰণ সম্পাদক কেচি বেনুগোপালে হাতেৰে ধৰিয়ে পতাকাখন প্রদর্শন কৰে। এই ভিডিও প্ৰকাশ হৈছে এএনআইৰ টুইটাৰ একাউণ্টত৷
