নিউজ ডেস্কঃ
নিমাতিঘাট-মাজুলী ভয়ংকৰ ফেৰী দূর্ঘটনাত নিহত আত্মীয়ক ৰাজ্য চৰকাৰৰ নিযুক্তি পত্ৰ প্ৰদান।মুখ্যমন্ত্ৰী ডঃ হিমন্ত বিশ্ব শৰ্মাই শনিবাৰে জনতা ভৱনত আনুষ্ঠানিক ভাৱে নিযুক্তি পত্ৰ প্ৰদান কৰে প্ৰয়াত পৰিমিতা দাসৰ ভগ্নী মধুমিতা দাসক আৰু প্ৰয়াত ইন্দ্ৰেশ্বৰ বৰা পত্নী ৰূপৰেখা বৰা সেনাপতিক।উল্লেখ্য দুৰ্ঘটনাত নিহত পৰিমিতা দাস মাজুলী ৰঙা চাহী মহাবিদ্যালয় অসমৰ বিভাগৰ সহকাৰী প্ৰৱক্তা বিপৰীতে ইন্দ্ৰেশ্বৰ বৰা ভেঞ্চাৰ স্কুলৰ শিক্ষক আছিল ।পৰিণীত ভগ্নীক ৰাজ্যিক শিক্ষা গৱেষণা প্ৰশিক্ষণ পৰিষদ চমুকৈ SCERT প্ৰৱক্তা নিযুক্তি বিপৰীতে ইন্দ্ৰেশ্বৰ পত্নীক লখিমপুৰ জিলা প্ৰাথমিক শিক্ষা বিষয়া কাৰ্যালয়ত চতুৰ্থবৰ্গ কৰ্মচাৰী হিচাপে নিযুক্তি প্ৰদান কৰে।
আনহাতে, প্ৰয়াত প্ৰৱক্তা পৰিণীতা ভগ্নী মধুমিতাই নিযুক্তি পত্ৰ গ্ৰহণ কৰি আৱেগিক হৈ পৰে।আমি যি হেৰুৱালো তাক কেতিয়াও নাপাওঁ বুলি লগতে কয়।
ইফালে ইন্দ্ৰেশ্বৰ পত্নী ৰূপৰেখাই নিযুক্তি পত্ৰ গ্ৰহণ কৰি অসম চৰকাৰ, ধন্যবাদ কৃতজ্ঞতা জনাই।দুখ বহুতে পালো আজিৰে পৰা এটা নতুন জীৱনৰ সংকল্প লৈছোঁ।যি কেইজনক হেৰুৱালো তেওঁলোকৰ বলিদানৰ বিনিময়ত মাজুলী দলংখন হৈ উঠক তেওঁ লগতে কয়।উল্লেখ্য যে যোৱা বৰ্ষ ৮ ছেপ্টেম্বৰত সংঘটিত হৈছিল ভয়ংকৰ ফেৰী দূর্ঘটনাটো।
আনহাতে উক্ত ফেৰীৰ দূর্ঘটনাত নিহত তৃতীয় গৰাকী ডাঃ বিক্ৰম বৰুৱাৰ পৰিয়ালক ক্ষতিপূৰণ হিচাপে মৃতকৰ অৱসৰ লৈকে দৰমহা প্ৰদান কৰিব।প্ৰয়োজনত আৰ্থিক সহায়ৰ হাত পৰিয়াললৈ আগবঢ়োৱা হ’ব বুলিও মুখ্যমন্ত্ৰী শৰ্মাই কয়।জনতা ভৱনত নিযুক্তি পত্ৰ প্ৰদানত শিক্ষা বিভাগৰ উপদেষ্টা ডঃ ননীগোপাল মহন্ত, বিধায়ক জয়ন্ত বৰুৱা উপস্থিতি থাকে।
