নিউজ ডেস্কঃ
প্রশান্ত মহাসাগৰীয় দ্বীপৰাষ্ট্র টোঙ্গাৰ উপকূলৰ কাষত সমুদ্রত নিমজ্জিত আগ্নেয়গিৰিৰ উদ্গীৰণ ঘটে যোৱা ১৫ জানুৱাৰীত।
হুঙ্গা টোঙ্গা-হুঙ্গা হাপ্পাই নামৰ আগ্নেয়গিৰিটোৰ বিস্ফোৰণত সৃষ্টি হৈছিল ছুনামি পৰিস্থিতিৰ। টোঙ্গাৰ ১৭০টা দ্বীপ ভৰি পৰিছিল ছাইৰে। পানীৰ তলত অগ্ন্যুতপাত হোৱাত বিস্ফোৰণৰ তীব্রতা কিমান সেয়া বুজা নগ’লেও তীব্ৰ শব্দৰ সৃষ্টি হয়। বিজ্ঞানীসকলৰ মতে, বিগত ১০০ বছৰত সকলোতকৈ তীব্ৰ শব্দৰ ঘটনা এইটোৱেই। ১৮৮৩ চনত ইন্দোনেছিয়াৰ ক্রাকাটাৱেৰ আগ্নেয়গিৰি উদ্গীৰণৰ পিছত এইটোৱে সকলোতকৈ তীব্ৰ বিস্ফোৰণ। ক্রাকাটাৱেৰ ঘটনাত মৃত্যু হৈছিল হাজাৰোধিক লোক।
নাছাৰ গডার্ড স্পেচ ফ্লাইট চেণ্টাৰৰ প্রধান বিজ্ঞানী জেমছ গার্ভিনৰ মতে, বিস্ফোৰণৰ তীব্রতা ১০ মেগাটন টিএনটি হিচাব কৰা হৈছে। জাপানৰ হিৰোছিমাত ‘লিটল বয়’ নামৰ যি পাৰমাণৱিক বোমা বিস্ফোৰণ আমেৰিকাই কৰিছিল, টোঙ্গাৰ আগ্নেয়গিৰিৰ উদ্গীৰণ উদ্গীৰণ তাতকৈও ৬৬৭ গুণ তীব্র।
