ষ্টাফ ৰিপ’ৰ্টাৰ
ডিফু : সাৱধান! আপোনাৰ চাৰিচকীয়া অথবা দুচকীয়া বাহনখন নিৰাপদে ৰাখিছেনে? আপোনাৰ বাহনখন নিৰাপদভাবে ৰাখক৷ এই আহ্বান ডিফু আৰক্ষীৰ ৷ ডিফু আৰক্ষী থানাৰ ভাৰপ্ৰাপ্ত বিষয়া জে এছ খবুঙে আহ্বান জনাইছে যে, চাৰিচকীয়া আৰু দুচকীয়া বাহনৰ গৰাকীসকল সাৱধান হওক নিজা বাহনৰ নিৰাপত্তাৰ ক্ষেত্ৰত এক বিজ্ঞপ্তি যোগে ডিফু আৰক্ষীয়ে চহৰবাসীক সাৱধানবাণী শুনাইছে যে, ৭৫ সংখ্যক চাৰিচকীয়া অথৱা দুচকীয়া বাহনৰ গৰাকীসকলে বাহন নিজৰ ঘৰৰ বাহিৰত ঘৰৰ কাষৰ পথত নিশা ৰখা পৰিলক্ষিত হয় ৷ গাড়ীসমূহ লক কৰি ৰখা অথৱা খোলাকৈ ৰথাও দেখা পোৱা যায় ৷
সেয়ে গৰাকীসকলক নিজা বাহনসমূহ লক কৰিঘৰৰ ভিতৰত অথবা নিৰাপদ স্থানত ৰখিবলৈ জনাইছে ডিফু আৰক্ষীয়ে ৷ যাতে বাহনসমূহ চুৰে চুৰি কৰিব নোৱাৰে ৷ ডিফু আৰক্ষীৰ হাতত থকা তথ্য অনুসৰি স্থানীয় কিছু যুৱকৰ সহযোগত ডিফু আৰু ইয়াৰ কাষৰীয়া অঞ্চলত এটা গাড়ী চোৰ চক্ৰ সক্ৰিয় হৈ আছে ৷ সেয়ে কোনো পাৰ্টী অথবা ডিনাৰলৈ যাওঁতে নিজৰ বাহনসমূহ যথাযথভাবে লক কৰি নিৰাপদ স্থানত ৰাখিবলৈ আহ্বান জনাই আৰক্ষীয়ে কেৱল বীমাৰ ভৰসাত নাথাকিব কাৰণ বীমা লাভ কৰাটো ইমান সহজ কাম নহয় ৷
