মনোৰঞ্জনঃ
মুক্তিৰ পিছৰে পৰা, ‘পুষ্পা: দ্য ৰাইজ’ নিশাৰ ভিতৰতে আলোচনাৰ বিষয় হৈ পৰিছে। আল্লু অৰ্জুনে পুষ্পা ৰাজৰ চৰিত্ৰটোক অন্য স্তৰলৈ লৈ যাবলৈ সক্ষম হৈছে। এইখন এখন ছবি, যিয়ে সফলতাৰ ক্ষেত্ৰত বক্স অফিচত এক মানদণ্ড স্থাপন কৰিছে। ছবিখনৰ হিন্দী সংস্কৰণটোৱে বক্স অফিচথ ১০০ কোটি ক্লাবত প্ৰৱেশ কৰিছে।
মূলতঃ তেলেগু ভাষাত নিৰ্মিত এই ছবিখনক মালায়ালম, তামিল, কানাড়া আৰু হিন্দী সংস্কৰণটো দেখিবলৈ পোৱা গৈছিল । ছবিখন সকলো ভাষাতে ব্লকবাষ্টাৰ হৈ আছে যিয়ে সমগ্ৰ বিশ্বতে জনপ্ৰিয়তা অৰ্জন কৰিছে। দৰ্শক, ক্ৰিকেটাৰ, ছ’চিয়েল মিডিয়া প্ৰভাৱশালী, উদ্যোগটোৰ উৎকৃষ্ট অভিনেতাসকলে কেৱল এই ছবিখনৰ সৌন্দৰ্যক স্বীকৃতি দিয়াই নহয়, ইণ্টাৰনেটত ধুমধাম কৰি থকা ছবিখনৰ প্ৰৱণতাও অনুসৰণ কৰিছে। চুপাৰষ্টাৰ আল্লু অৰ্জুন ষ্টাইল বিভিন্ন ক্ষেত্ৰৰ বিখ্যাত ব্যক্তিসকলে কৰিবলৈ প্ৰয়াস কৰিছে।
ছবিখনে বক্স অফিচত প্ৰায় ৩৫০ কোটি টকা সংগ্ৰহ কৰিছে আৰু ২০২১ চনত সৰ্বাধিক উপাৰ্জন কৰা ভাৰতীয় চলচ্চিত্ৰ হিচাপে পৰিগণিত হৈছে। “পুষ্পা” ছবিখন সৰ্বকালৰ সৰ্বাধিক উপাৰ্জন কাৰী তেলেগু ছবিসমূহৰ ভিতৰত এখন। ছবিখনৰ কেইবাটাও গীত ক্ৰমে ‘স্ৰিভাললি’, চামি চামি, আই বিদ্দা ‘ইধি না আড্ডা’, আৰু ‘ইউ অন্থাভা’ য়ে ইণ্টাৰনেটত খলকনিৰ সৃষ্টি কৰিছে আৰু মুঠ প্ৰায় ১ বিলিয়ন দৰ্শন লাভ কৰিছে।
