ষ্টাফ ৰিপ’ৰ্টাৰ
ডিফু : CRPF-ৰ চিভিক একচন কাৰ্যসূচীৰ অন্তৰ্গত আজি ডিফু চন্দ্ৰছিং টেৰণ হাইস্কুলৰ পুথি ভঁৰাললৈ শতাধিক গ্ৰন্থ আৰু চকী মেজ প্ৰদান কৰা হয় ৷ ডিফুস্থিত ২০-Bn CRPF কোম্পানীৰ উদ্যোগত আজি দুপৰীয়া বিদ্যালয়খনৰ ছাত্ৰ-ছাত্ৰীৰ সুবিধাৰ্থে গ্ৰন্থ আৰু চকী-মেজ বিদ্যালয়খনলৈ দান কৰা হয় ৷ ডিফুস্থিত ২০ Bn CRPFৰ কামাণ্ডেণ্ট স্বৰ্ণ সিঙৰ উপস্থিতিত জিলা উপায়ুক্ত দিবাকৰ নাথে পুথি ভঁড়ালটিৰ শুভ উদ্ধোধন কৰে ৷
উপায়ুক্ত দিবাকৰ নাথে পুথি ভঁড়ালখনত CRPFৰ উচ্চ পদস্থ বিষয়া, বিদ্যালয়খনৰ শিক্ষক-শিক্ষয়িত্ৰী আৰু ছাত্ৰ-ছাত্ৰীসকলৰ সৈতে এক অন্তৰঙ্গ মুহূৰ্ত অতিবাহিত কৰে ৷ এই উপলক্ষে বিদ্যালয়খনৰ সভা কক্ষত ২০ Bn CRPF-ৰ উপ-কামাণ্ডেণ্ট আঁতধৰা আৰু কামাণ্ডেণ্ট স্বৰ্ণ সিঙে পৌৰোহিত্য কৰা সভাখনত উপায়ুক্ত দিবাকৰ নাথে নিজৰ ভাষণত ছাত্ৰ-ছাত্ৰীসকলৰ শাৰিৰীক, মানসিক বিকাশ সাধনৰ ওপৰত মনোজ্ঞ বাখ্যা আগবঢ়ায় ৷ পুথিভঁড়ালত থকা সমুদায় কিতাপ অধ্যয়ণ কৰিব পৰা ছাত্ৰক উপায়ুক্তজনৰ তৰফৰ পৰা পুৰষ্কৃত কৰা হ’ব বুলি মন্তব্য কৰে ৷
ইয়াৰোপৰি নিজৰ ভাষণ প্ৰসংগত ২০ Bn CRPFৰ কামাণ্ডেণ্ট স্বৰ্ণ সিঙে কয়যে চিআৰপিএফৰ চিভিক একচন কাৰ্যসূচীৰ অধীনত সমাজৰ পিছপৰা শ্ৰেনী আৰৱ প্ৰয়োজন হোৱা ঠাইত লগতে দুৰ্গম এলেকাত CRPF-য়ে নানা ধৰণৰ সামগ্ৰী বিতৰণ কৰি আহিছে ৷
ইয়াৰ ভিতৰত বিদ্যালয়সমূহো অন্যতম বুলি কয় ৷ সাংবাদিকৰ সৈতে হোৱা বাৰ্তালাপত চন্দ্ৰছিং টেৰণ হাইস্কুলৰ প্ৰধান শিক্ষয়িত্ৰী অৰুণিমা পাঠকে চন্দ্ৰছিং টেৰণ হাইস্কুলৰ ছাত্ৰ-ছাত্ৰীসকলৰ উন্নতি সাধনৰ বাবে বিদ্যালয়খনৰ পুথি ভঁড়াললৈ ২০ Bn CRPF কোম্পানীয়ে আগবঢ়োৱা অৱদানৰ বাবে CRPFক কৃতজ্ঞতা জ্ঞাপন কৰে ৷ বিদ্যালয়খনৰ ছাত্ৰ-ছাত্ৰীসকলৰ নৃত্য-গীতেৰে সকলোকে আপ্লুত কৰা পৰিলক্ষিত হয় ৷ আজিৰ উক্ত কাৰ্যসূচীত বিদ্যালয়খনৰ কেইবাগৰাকী শিক্ষক আৰু বিদ্যালয় পৰিচালনা সমিতিতিৰ প্ৰাক্তন সভাপতি মজাহীৰুল ইছলাম উপস্থিত থাকে৷
