নিউজ ডেস্কঃ
৫৬ বছৰ বয়সত কৰোনা পজিটিভ হৈছে ৭৮ বাৰ। এই ৰোগৰ আক্ৰমণত ২০২০ চনৰ পৰা ১৪ মাহ হস্পিটেল আৰু ঘৰত কোৱাৰেণ্টাইনত কটাইছে তুৰস্কৰ মুজফ্ফৰ কায়াছন নামৰ ব্যক্তিজনে। একেৰাহে ইমান দিন সংক্রমিত হৈ থকা আন কোনো লোকক দেখা নাই বুলি প্ৰকাশ দেশ-বিদেশৰ বিভিন্ন সংবাদ মাধ্যমৰ।
লিউকেমিয়াত আক্রান্ত মুজফ্ফৰ ২০২০ চনৰ নৱেম্বৰত প্রথম কৰোনাত সংক্রমিত হয়। কেইদিনমান হস্পিটেলত কটাই ঘৰলৈ উভতে। সম্পূর্ণ সুস্থ হোৱাৰ অপেক্ষাত ইস্তানবুলৰ ঘৰতে কোৱাৰেণ্টাইনত থাকে। কিন্তু সেয়াই আছিল বিড়ম্বনাৰ আৰম্ভণি।
ইয়াৰ পিছত পাৰ হৈছে মাহৰ পিছত মাহ। কেইদিনমানৰ মূৰে মূৰে কৰিছে কৰোনা পৰীক্ষা। প্রতিবাৰেই আহিছে পজিটিভ। সম্প্রতি দুসপ্তাহ পিছৰ পৰা কৰোনা ৰোগীসকলক কোৱাৰেণ্টাইনৰ পৰা মুক্তিৰ কথা কোৱা হৈছে। কিন্তু মুজফ্ফৰ যেতিয়া আক্রান্ত হৈছিল, তেতিয়া উক্ত নিয়ম নাছিল। ইতিমধ্যে পৰ্যায়ক্ৰমে নমাহ হস্পিটেলত কটাইছে তেওঁ। পাঁচ মাহ কটাইছে ঘৰতে। পৰীক্ষা কৰাইছে মুঠ ৭৮ বাৰ।
