নিউজ ডেস্কঃ
২০১৯ চনত হেৰাইছিল ছবছৰীয়া শিশু পাইছলি শুলটিছ। তিনি বছৰ পিচত জীৱিত অৱস্থাত উদ্ধাৰ হয় তেওঁ। ঘৰৰ পৰা প্রায় ২৪০ কিঃমিঃ দূৰৈৰ এখন গাঁৱৰ পৰা উদ্ধাৰ কৰা হয় তেওঁক। ধৰি পৰিল অপহৰণকাৰীও। কিন্তু অবিশ্বাস্যভাবে অপহৰণকাৰী আন কোনো নহয়, জন্মদাতা পিতৃ-মাতৃয়ে।
পাইছলিৰ চোৱাচিতাৰ দায়িত্ব ল’ব পৰা নাছিল তেওঁৰ পিতৃ-মাতৃ কিম্বার্লি এবং কার্ক। আৰক্ষীৰ সন্দেহ আছিল তেওঁলোকৰ ওপৰতেই। কিন্তু বিস্তৰ তালাচী চলায়ো কোনো সন্ধান লাভ কৰা নাছিল। বিস্ময়কৰভাবে তিনি বছৰ পিছত সন্ধান পোৱা গ’ল পাইছলিৰ। গাঁৱৰ এটা ঘৰৰ চিৰিৰ তলত বন্দী কৰা ৰখা হৈছিল তেওঁক। তাতেই ধৰা পৰে পাইছলিৰ অপহৰণকাৰী কিম্বার্লি কুপাৰ শুলটিছ। অৱশ্যে শিশুটিক কোনো শাৰীৰিক নির্যাতন কৰা হোৱা নাই বুলি জনাইছে আৰক্ষীয়ে।
আৰক্ষী প্ৰধান জোচেফ ছিনাগ্রাই জনোৱা মতে, ‘আমি প্ৰায় এক ডজনবাৰ এই ঘৰটোলৈ আহিছো। কিন্তু একো ধৰিব পৰা নাছিলো। পাইছলিৰ পিতৃয়ে বাৰে বাৰে আমাক কৈছিল, শিশুটি ক’ত আছে নাজানে।’ কিন্তু এইবাৰ এক গোপন সূত্রৰ খবৰ লাভ কৰি নিউয়র্কৰ পৰা ২৪০ কিঃমিঃ দূৰৈৰ স্পেন্সাৰ গাঁৱৰ ঘৰটোতে অভিযান চলায় আৰক্ষীয়ে। চিৰিত থকা কাঠৰ ঢাকনি এখন খোলোতেই চকুত পৰে এক গোপন কুঠৰী। কোনোমতে এটা ঘৰৰ দৰে বনোৱা হৈছে। তাতেই পোৱা যায় পাইছলিক। গ্রেপ্তাৰ কৰা হয় কিম্বার্লি আৰু কার্কক। যিটো ঘৰত লুকুৱাই ৰখা হৈছিল তাৰ মালিককো গ্রেপ্তাৰ কৰা হৈছে।
