ছাইদুল ইছলাম
ডিফু : আজি দুপৰীয়া কাৰবি আংলং জিলাৰ বোকাজান বজাৰৰ মাজত সংঘটিত হয় ভয়ঙ্কৰ অগ্নিকাণ্ড। প্ৰাপ্ত খবৰ অনুসৰি বোকাজানৰ ব্যৱসায়ী চিপক দে’ৰ, নীতিশ সিং, বাদল দে’ প্ৰণৱ ৰয় গুদামত সংঘটিত হয় উক্ত অগ্নিকাণ্ড।কেইবাখনো গেলামাল দোকানৰ গুদাম উক্ত অগ্নিকাণ্ডত ভস্মীভূত হয় ৷
উক্ত অগ্নিকাণ্ডৰ ফলত প্ৰায় কোটি টকাৰ সা-সম্পত্তি জুইত জাহ যায় ৷ অগ্নিকাণ্ডত জুইৰ লেলিহান শিখাই বোকাজান বজাৰ ছানি ধৰা পৰিলক্ষিত হৈছিল ৷ ঘটনাৰ খবৰ লাভ কৰি অগ্নিনিৰ্বাপক বাহিনী আহি জুই নিৰ্বাপিত কৰে যদিও নষ্ট হয় গোদাম ঘৰটোৰ অধিকাংশ সা-সামগ্ৰী । বাতৰি লিখা পৰলৈকে অগ্নিকাণ্ডৰ সূত্ৰপাতৰ কাৰণ জানিব পৰা হোৱা নাই।
