ASSAM TIMES POST
ডিফুঃ সমগ্ৰ ৰাজ্যৰ লগত সংগতি ৰাখি পাহাৰীয়া জিলা কাৰবি আংলঙৰ সদৰ চহৰ ডিফুতো জিলা আৰক্ষী প্ৰশাসনৰ উদ্যোগত ৬৯ সংখ্যক আৰক্ষী দিৱসটি বৰ্ণাঢ্য কাৰ্যসূচীৰে উদযাপন কৰা হয় ৷
এই উপলক্ষে আজি পুৱাৰ ভাগত মধ্য সংমণ্ডলৰ ডিআইজি দিলীপ দে’ই য়ে পতাকা উত্তোলন কৰে ৷ আৰক্ষী দিৱস উপলক্ষে অনুষ্ঠিত কাৰ্যসূচীত আৰক্ষীৰ প্ৰতিষ্ঠান জিলাখনৰ থানা আৰু আৰক্ষী চকী সমূহৰ আৰক্ষীয়ে অংশ গ্ৰহণ কৰে ৷
উক্ত অনুষ্ঠানত জিলা আৰক্ষী অধীক্ষক গৌৰৱ উপাধ্যায়, অতিৰিক্ত আৰক্ষী অধীক্ষক (মুখ্য) ইন্দ্ৰনীল বৰুৱা আৰু শীৰ্ষ আৰক্ষী বিষয়া সকল উপস্থিত থাকে ৷
উক্ত কাৰ্যসূচীৰ লগত সংগতি ৰাখি সকলো থানা আৰু আৰক্ষী চকী সমূহত পতাকা উত্তোলন কৰাৰ লগতে ভাৰপ্ৰাপ্ত বিষয়া আৰু ষ্টাফ সকলে শপত গ্ৰহণ কৰে আৰু বৃক্ষৰোপণ কাৰ্যসূচী গ্ৰহণ কৰে ৷
ইয়াৰোপৰি কাৰবি আংলং জিলা আৰক্ষী প্ৰশাসনৰ উদ্যোগত ডিফু চৰকাৰী বালক উচ্চতৰ মাধ্যমিক বিদ্যালয়ত ছাত্ৰ- ছাত্ৰীৰ মাজত তৰ্ক প্ৰতিযোগিতা অনুষ্ঠিত কৰি জিলা আৰক্ষী অধীক্ষকৰ জৰিয়তে বিজয়ী সকলক পুৰষ্কাৰ হিচাপে নগদ ধন আৰু মান পত্ৰ প্ৰদান কৰা হয় বুলি জানিব পৰা গৈছে ৷
