নিউজ ডেস্কঃ
ইউক্রেইনৰ বিৰুদ্ধে সঙ্ঘাতৰ দশম দিনত সাময়িক যুদ্ধবিৰতি ঘোষণা কৰিলে ৰুছ প্রতিৰক্ষা মন্ত্ৰালয়ে। চাৰে পাঁচ ঘণ্টাৰ বাবে ঘোষণা কৰা হয় এই যুদ্ধবিৰতি। শনিবাৰে মস্কোৰ স্থানীয় মতে সময় পুৱা ১০টা আৰু ভাৰতীয় সময়মতে দিনৰ ১২ বজাত এই যুদ্ধবিৰতি ঘোষণা হয়। সংবাদ সংস্থা এএফপিৰ সূত্ৰ মতে, আজভ সাগৰৰ বন্দৰ চহৰ মাৰিউপোলৰ বাসিন্দাসকলক দেশ এৰাৰ সুযোগ দিবলৈয়ে সাময়িকভাবে এই ঘোষণা কৰিলে ৰাছিয়াই।
মাৰিউপোলৰ লগতে ভলনোভাখা চহৰতো জাৰি হৈছে এই যুদ্ধবিৰতি।
