নিউজ ডেস্কঃ
এজন আৰক্ষীৰ গালত চেণ্ডেলেৰে কোবাইছে এগৰাকী মহিলাই। ওলোটাই মহিলাগৰাকীক মাৰিবলৈ লাঠি উঠাই লোৱা আৰক্ষীজনক টানি ধৰিছে এজন ব্যক্তিয়ে। দুয়োজনৰ মাজত জোতা-পোতা লাগি থকাৰ সময়তে পুনৰ মহিলা গৰাকীয়ে আৰক্ষীজনক চেণ্ডেলেৰে কোবাই গৈছে। এইবাৰ আৰক্ষীজনেও মহিলাগৰাকীক গতা মাৰি দিয়ে। সেই মুহূৰ্তত ওচৰে-পাজৰে বহু লোকে আহি ভিৰ কৰেহি। কিন্তু কোনোৱেই কাজিয়া ভাঙিবলৈ আগবাঢ়ি অহা দেখা নগ’ল। তাত এগৰাকী মহিলা আৰক্ষীও উপস্থিত আছিল। মহিলাগৰাকীক আৰক্ষীজনে গতা মাৰি দিওঁতে তেওঁ নীৰৱ দর্শকৰ ভূমিকাত আছিল। ঘটনাটি লখনৌৰ চাৰবাগ ষ্টেচনৰ।
জানিব পৰা মতে, কাজিয়াৰ সূত্রপাত হয় কাপোৰৰ এটি বোজাক লৈ। অভিযোগ, মহিলাগৰাকী আৰু তেওঁৰ স্বামীক মাৰধৰ কৰে আৰক্ষীজনে। আনকি তেওঁৰ সন্তানৰ হাত-ভৰি ভাঙি দিয়াৰো ভাবুকি দিয়ে। চাৰবাগ ষ্টেচনৰ এই ভিডিও এতিয়া ভাইৰেল।
