ভাৰতীয় জনতাপাৰ্টী আগ্ৰসনত ক্ৰমাৎ অস্তিত্ব সংকটত পৰিছে অসম গণ পৰিষদ।অহা ১৯ এপ্ৰিলৰ গুৱাহাটী পৌৰ নিগমৰ নিৰ্বাচনত মাত্ৰ ৭টা ৱাৰ্ডতহে প্ৰতিদ্বন্দ্বিতা কৰা অধিকাৰ পাইছে অগপই।ব্ৰিগ ব্ৰাডাৰ বিজেপিয়ে ৭টা ৱাৰ্ডহে এৰি দিছে অতুল বৰা নেতৃত্বাধীন অগপক।
উল্লেখ্য অগপই ১,১১,১২,১৩,১৪,৩৩,৫৯ নম্বৰ ৱাৰ্ডত প্ৰতিদ্বন্দ্বিতা সুবিধা লাভ কৰিছে।গুৰুত্বপূৰ্ণ কথা যে পশ্চিম গুৱাহাটী সমষ্টিত সৰ্বাধিক ৫টা ৱাৰ্ড আৰু পূৰ্ব গুৱাহাটী ১টা ৱাৰ্ডৰ লগতে দিছপুৰ সমষ্টি এটা ৱাৰ্ডত প্ৰাৰ্থী থিয় কৰোৱা সুযোগ পাইছে।তাপৰ্যপূৰ্ণ কথা যে গুৱাহাটী পৌৰ নিগমত মুঠ ৱাৰ্ডৰ সংখ্যা ৬০টা।
কিন্তু আশ্চৰ্যজনক ভাৱে মিত্ৰজোটৰ অংশীদাৰ ৰূপে এক তৃতীয়াংশ আসনো এৰি নিদিলে বিজেপিয়ে।ইফালে লজ্জিত ভাৱে ৭টা ৱাৰ্ডত সন্তুষ্ট থাকি পশ্চিম গুৱাহাটী অগপ বিধায়ক ৰমেন্দ্র নাৰায়ণ কলিতাই কয়- দলৰ কোনো ক্ষতি নহয়, আমাৰ লক্ষ্য মিত্ৰজোঁটৰ সৈতে সকলো আসন দখল কৰা।
