ৰঙালীৰ প্ৰাকক্ষণত ৰঙিয়াৰ HDFC বেংকৰ সমুখত লুটপাতৰ ঘটনাঃ ব্যৱসায়ীৰ পৰা লুটিলে টকা

ৰঙালীৰ প্ৰাকক্ষণত ৰঙিয়াৰ HDFC বেংকৰ সমুখত লুটপাতৰ ঘটনা। নাগ্ৰিজুলিৰ ২ নং বগৰীগুটিৰ ফুল কুমাৰ দাস নামে ব্যৱসায়ীজনে বেংকৰ পৰা টকা উলিয়াই ঘৰলৈ উভতি গৈ থকা সময়ত কলা ৰঙৰ পালছাৰত অহা দুজনীয়া দুবৃত্তৰ দলে কাঢ়ি লৈ যায় ধনখিনি।

ব্যৱসায়ী জনে টকাৰ বেগখন লৈ নিজৰ গাড়ীত উঠিবলৈ যাওতে দুবৃত্তই বেগটো কাঢ়ি তীব্ৰগতিত ৰঙিয়া নগৰৰ মাজেৰে পলায়ন কৰে। ৰঙিয়া থানাত ঘটনাটো অৱগত কৰাৰ পিছত দলটোক বিচাৰি তীব্ৰ অভিযান আৰম্ভ কৰে আৰক্ষীয়ে।