মালীৰ ২৬ বৰ্ষীয় মাতৃ হালিমা কাছেই একেলগে জন্ম দিছে ৯ টি কৈ সন্তান। হালিমা আৰু স্বামী আব্দুলকাদেৰ আৰ্বিয়ে ২০২১ ৰ ৪মে’ তেই ৫ জনীকৈ কন্যাসন্তান আৰু ৪ টি কৈ ল’ৰা সন্তানৰ পিতৃ-মাতৃ হৈ গিনিজ বুক অৱ ৰেকৰ্ডছত অভিলেখসংখ্যক সন্তান একেলগে জন্ম দিয়াৰ ৰেকৰ্ড গঢ়িছিলে।
এটি বৰ্ষ সম্পূৰ্ণ কৰিলে এই আশ্চৰ্যকৰ ঘটনাই। ৩০ সপ্তাহৰ গৰ্ভাৱস্থাৰ পিছত হালিমাই চিকিৎসালয়ত একেলগে আটাইকেইটা সন্তান জন্ম দিছিলে,আৰু ভাল লগা তথা আচৰিত কথা যে,আটাইকেইটা সন্তানেই সুস্থ অৱস্থাত আছিল। কন্যসন্তান কেইজনী হৈছে ক্ৰমে-ফাটৌমা,হাৱা,আদামা,কাদিদিয়া আৰু ঔমৌ। ল’ৰাসন্তানকেইটি ক্ৰমে-ঔমৰ,বাহ,মহম্মদ ভাই আৰু ইলহাজি-এই আটাইকেইজনেই আন সুস্থ-সবল শিশুৰ দৰেই ডাঙৰ হৈছে আৰু লাহে লাহে বগুৱা বাবলৈ বা চুচৰিবলৈয়ো আৰম্ভ কৰিছে।
উক্ত বক্তব্যখিনি সুখী আৰু গৰ্বিত পিতৃ আব্দুলকাদেৰৰ। আনহাতে একেদৰেই মাতৃ হালিমাও নিজ সন্তানকেইটিকে ধৰি গোটেই পৰিয়ালটি লৈ খুবেই সুখী বুলি জনাই। ইয়াৰ লগতে আন এষাৰ কথাও হালিমাই কয় যে-ন-কৈ জন্মা ৯ টি শিশুৰ যতন লোৱা কাৰ্যই যে তেওঁক প্ৰায়েই লেবেজান কৰি পেলাই। পিছে যিমানে যি নহওক কেলৈ মাতৃত্ব আৰু পিতৃত্বৰ সুখৰ অনুভৱ অনিৰ্বচনীয়।
এইকেইটি সন্তানৰ লগতে তেওঁলোকৰ আন এজনী চৌদা নামৰ ৩বছৰীয়া কন্যা সন্তানো আছে। সহজ একেবাৰেই নাছিল যদিও,এয়া সম্ভৱপৰ হৈ উঠিলে-আব্দুলকাদেৰ এইদৰে মন্তব্য কৰে। সন্তানকেইটি জন্মৰ আগে আগেই মাতৃ হালিমাক ম’ৰক্কোৰ চিকিৎসালয়ত ভৰ্তি কৰা হৈছিল আৰু পিতৃ আব্দুলকাদেৰ চৌদাৰ সৈতে মালীৰ গৃহতেই আছিলে।
পৰৱৰ্তী সময়তহে,কেইবামাহৰো পিছত গোটেই পৰিয়াল একত্ৰ হৈছিল। প্ৰথমেই চিকিৎসকে ভাবিছিলে হালিমাই মুঠ ৭ টি সন্তান জন্ম দিছে। পিছে নাই,পৰৱৰ্তী কিছু সময়ৰ ভিতৰত আন দুটি সন্তানো জন্ম দিয়ে হালিমাই। ভাগ্যক্ৰমে মৰক্কোৰ সৰ্ব্বোত্তম নৱজাত শিশুৰ যত্ন লোৱা চিকিৎসা প্ৰতিষ্ঠানৰ সুবিধা দিবলৈ সক্ষম হৈছিলো। -চিকিৎসক ইউচুফ আলাঐয়ে এই কথা জানিবলৈ দিয়ে।
পূৰ্বে একেলগে ৮ টি সন্তান জন্ম দি অভিলেখ গঢ়িবলৈ সক্ষম হোৱা নাদ্যা চুলেইমানৰ অভিলেখ ভাঙিলে হালিমাহঁতে। প্ৰথমেই ৯টিকৈ সন্তান একেলগে জন্মাৰ লগতেই জীয়ায়ো থকাৰ পূৰ্বৰ কোনো অভিলেখ গিনিজ বুক অৱ ৰেকৰ্ডছত নাই। নৱজাত শিশুকেইটি মাথোঁ কেইঘন্টামানহে জীয়াই থাকিব বুলি ভাবিছিলে।
