মণিপুৰ (Manipur)ৰ ননে জিলা (Nane District)ত ভয়ংকৰ ভূমিস্খলন (Terrible landslide)ৰ ঘটনা সংঘটিত হৈছে। জানিব পৰা মতে এই পৰ্যন্ত ৭ জনৰ মৃত্যু (7 people died) হোৱাৰ লগতে কমেও ৪৫ জন লোক সন্ধানহীন (Missing) হৈ আছে।
ভূমিস্খলনৰ ফলত টুপুল ষ্টেচনৰ সমীপত ভাৰতীয় সেনাৰ ১০৭ টেৰিটৰিয়েল আৰ্মীৰ শিবিৰ ভাঙি পৰাৰ পিছতেই উদ্ধাৰকাৰ্য আৰম্ভ কৰা হয় ৷ এন ডি আৰ এফ বাহিনীৰ লগতে এছ ডি আৰ এফে সেনা আৰু ৰে’লৱে কৰ্তৃপক্ষৰ সৈতে মিলিত হৈ উদ্ধাৰকাৰ্য আৰম্ভ কৰিছে ৷
জানিব পৰা মতে, এই পৰ্যন্ত ১৩ জন লোকক উদ্ধাৰ কৰা হৈছে। আহতসকল সেনাৰ চিকিৎসা ইউনিটত চিকিৎসাধীন হৈ আছে। বেয়া বতৰ আৰু নতুনকৈ ভূমিস্খলনৰ ফলত উদ্ধাৰ অভিযানত বাধাৰ সৃষ্টি হৈছে। এটি শিশুসহ স্থানীয় গাঁওবাসী সন্ধানহীন হোৱা বুলিও জানিব পৰা গৈছে। ইয়াৰ উপৰি উত্তৰ-পূব সীমান্ত ৰে’লৱেৰ ৬-৭জন কৰ্মচাৰীও সন্ধানহীন হৈ আছে।
বহুতো লোক এতিয়াও ধ্বংসাৱশেষৰ মাজত আবদ্ধ হৈ থকাৰ আশংকা কৰা হৈছে। কেন্দ্ৰীয় গৃহমন্ত্ৰী অমিত শ্বাহে ৰাজ্যখনৰ ভূমিস্খলনৰ পৰিস্থিতি সন্দৰ্ভত মুখ্যমন্ত্ৰী এন বীৰেন সিং আৰু কেন্দ্ৰীয় মন্ত্ৰী অশ্বিনী বৈষ্নোৰ সৈতে কথা পাতিছে।
