দীপিকা পাডুকনৰ ছবি “গেহৰাইয়া” য়ে অলপতে মুক্তি লাভ কৰিছিল৷ দীপিকা পাডুকনে এই ছবিখনত অতি সাহসী আৰু ব্যতিক্ৰমী চৰিত্ৰত অভিনয় কৰিছিল৷ এতিয়া অভিনেত্ৰী মল্লিকা শেৰাৱতে ইয়াৰ ওপৰত প্ৰতিক্ৰিয়া প্ৰকাশ কৰিছে৷ মল্লিকা শেৰাৱতে ছবিখনক “মাৰ্ডাৰ” ৰ সৈতে তুলনা কৰিছে৷ তেওঁ লগতে কৈছে যে দৰ্শকে কেতিয়াও তেওঁৰ অভিনয়ৰ প্ৰশংসা কৰা নাছিল, মাত্ৰ তেওঁৰ শৰীৰ আৰু গ্লেমাৰৰ ওপৰত গুৰুত্ব দি আছিল।
মল্লিকা শেৰাৱতক শীঘ্ৰেই ৰজত কাপুৰৰ “আৰ কে/আৰ কে” ত দেখা যাব৷ মল্লিকা শ্বেৰাৱতে বলীউডৰ কেইবাখনো চলচ্চিত্ৰত কাম কৰিছে৷ তেওঁৰ ছবিসমূহক দৰ্শকে যথেষ্ট প্ৰশংসাও কৰিছে৷
মল্লিকা শেৰাৱতে ২০০৭ চনৰ “মাৰ্ডাৰ” ক দীপিকা পাডুকনৰ ছবি “গেহৰাইয়া” ৰ সৈতে তুলনা কৰিছে৷ দীপিকা পাডুকন, সিদ্ধান্ত চতুৰ্বেদী আৰু অনন্যা পাণ্ডে ছবিখনত গুৰুত্বপূৰ্ণ চৰিত্ৰত আছিল৷ এই সন্দৰ্ভত কথা পাতি মল্লিকা শেৰাৱতে কয় যে, ‘যেতিয়া মই মাৰ্ডাৰ ছবিখন কৰিছিলোঁ, তেতিয়া বহুত হুলস্থুল হৈছিল৷ মানুহে চুম্বন আৰু বিকিনিৰ বিষয়ে যথেষ্ট হুলস্থুল কৰিছিল ৷ দীপিকা পাডুকনে এতিয়া যি কৰিছে সেয়া মই ১৫ বছৰ আগতে কৰিছো। তেতিয়া মানুহৰ চিন্তাধাৰা অতি সৰু আছিল। ছবি উদ্যোগটোৰ কিছুমান লোক আৰু সংবাদ মাধ্যমই মোক মানসিকভাৱে অত্যাচাৰ কৰি আছিল। মানুহে মোৰ শৰীৰ আৰু গ্লেমাৰৰ বিষয়ে কথা পাতিছিল, অভিনয়ৰ বিষয়ে নহয়। মই দসৱতাৰ, প্যাৰ কে চাইড ইফেক্টছ আৰু ৱেলকামতো কাম কৰিছিলো কিন্তু মোৰ অভিনয়ৰ বিষয়ে কোনেও কথা পতা নাছিল।
“মাৰ্ডাৰ” পৰিচালনা কৰিছিল অনুৰাগ বসুৱে৷ মল্লিকা শ্বেৰাৱতৰ উপৰিও ইমৰান হাছমীয়ে ছবিখনত গুৰুত্বপূৰ্ণ চৰিত্ৰত অভিনয় কৰিছিল৷ ছবিখনত মল্লিকা শ্বেৰাৱতৰ ব’ল্ড দৃশ্যসমূহো যথেষ্ট চৰ্চিত হৈছিল৷
