ASSAM TIMES POST
নতুন দিল্লীঃ ভাৰতৰ আন্তঃৰাষ্ট্ৰীয় চলচ্চিত্ৰ মহোৎসৱৰ সোণালী জয়ন্তী উপলক্ষে আইকন অৱ গ’ল্ডেন জুবিলী বঁটা আগবঢ়োৱা হৈছে চুপাৰষ্টাৰ ৰজনীকান্তলৈ। শনিবাৰে এই কথা ঘোষণা কৰে তথ্য আৰু সম্প্ৰচাৰ মন্ত্ৰী প্ৰকাশ জাভেদকাৰে। এক বিবৃতিত মন্ত্ৰীজনে কয়, ‘ভাৰতীয় চলচ্চিত্ৰলৈ যোৱা বহু দশকধৰি আগবঢ়াই অহা অনবদ্য অৱদানৰ বাবেই তেওঁলৈ এই সন্মান আগবঢ়োৱা হৈছে।’ মন্ত্ৰীজনে লগতে ফ্ৰান্সৰ অভিনেতা ইছাবেল্লা হাপ্পাৰ্টলৈ জীৱনজোৰা সাধনা বঁটা আগবঢ়োৱাৰ কথা ঘোষণা কৰে। এই বঁটা আগবঢ়োৱাৰ কথা ঘোষণাৰ পিছতে ৰজনীকান্তেও ভাৰত চৰকাৰক ধন্যবাদ জনায়। উল্লেখ্য যে সোণালী জয়ন্তী বৰ্ষৰ মহোৎসৱভাগি অহা ২০-২৮ নৱেম্বৰত গোৱাত অনুষ্ঠিত হ’ব।
