ৰাষ্ট্ৰীয় ঐক্য দিৱস উপলক্ষে অহা ৩১ অক্টোবৰৰ পুৱা ৪ বজাৰ পৰা আৰম্ভ হʼবলৈ গৈ আছে দিল্লী মেট্ৰো সেৱা। মেট্ৰো দিল্লীৰ এগৰাকী বিষয়াই জনোৱা মতে, ৰাণ ফৰ ইউনিটি অনুষ্ঠানত অংশগ্ৰহণকাৰীসকলৰ সুবিধাৰ্থে এই কথা চিন্তা কৰা হৈছে।
৩১ অক্টোবৰত চৰ্দাৰ বল্লভভাই পেটেলৰ জন্ম জয়ন্তী উপলক্ষে আয়োজন কৰা হৈছিল এই ‘Run for Unity’। এই দিৱস সমগ্ৰ ভাৰততে ৰাষ্ট্ৰীয় ঐক্য দিৱস হিচাপে পালন কৰা হয়।
দিল্লী কৰ্তৃপক্ষই জনোৱা মতে, ৩১ অক্টোবৰত অনুষ্ঠিত হʼবলগীয়া ৰাণ ফৰ ইউনিটি অনুষ্ঠানত অংশগ্ৰহণকাৰীসকলক সুবিধা প্ৰদানৰ বাবে সকলো লাইনৰ টাৰ্মিনেল ষ্টেচনৰ পৰা পুৱা ৪ বজাৰ ভিতৰত দিল্লী মেট্ৰো সেৱা আৰম্ভ হʼব। প্ৰতি ৩০ মিনিটৰ মূৰে মূৰে এখন ৰে’ল আপ-ডাউন লাইনত চলিব। পুৱা ৬ বজালৈ চলিব এই বিশেষ মেট্ৰো সেৱা। তেতিয়াৰ পৰা আন দিনৰ দৰে যাত্ৰীসকলে লাভ কৰিব স্বাভাৱিক সেৱা।
