ভুৱা বাতৰি বিয়পি পৰাৰ পিছতে বিক্ৰম গোখলে (Vikram Gokhale) পৰিয়ালে ভংগ কৰিলে মৌনতা। বুধবাৰে নিশা অভিনেতাজনৰ মৃত্যুৰ খবৰ ভাইৰেল হোৱাৰ পিছতে তেওঁৰ পত্নী ব্ৰুশালী গোখলেয়ে কয় যে বিক্ৰমৰ মৃত্যু হোৱা (Vikram’s not death) নাই, তেওঁ এতিয়াও আছে।
যোৱানিশাৰ পৰা তেওঁ অচেতন হৈ আছে। বৰ্তমান তেওঁ পুনেৰ দীননাথ মংগেশকা (Dinanath Mangeshkar)ৰ চিকিৎসালয় (Hospital)ত ভেন্টিলেচন (Ventilation)ত আছে। চিকিৎসকে কয় যে অভিনেতাগৰাকীৰ বহু অংগ বিকল হোৱাৰ সম্ভাৱনা আছে। তেওঁ কোনো সঁহাৰি দিয়া নাই। পৰিস্থিতি সংকটজনক।
পৰিয়ালৰ এজন বন্ধুৰ মতে, লকডাউনৰ সময়ত গোখলে পৰিয়াল মুম্বাইৰ পৰা পুনেলৈ স্থানান্তৰিত হয়। ‘মিছন মংগলʼৰ অভিনেতাগৰাকীক নৱেম্বৰৰ আৰম্ভণিতে চিকিৎসালয়ত ভৰ্তি কৰোৱা হৈছিল। প্ৰথমতে তেওঁ অলপ সুস্থ আছিল যদিও পিছলৈ হৃদযন্ত্ৰ আৰু বৃক্কৰ সমস্যাত ভুগিবলৈ ধৰিলে। ব্ৰুশালীয়ে লগতে কয় যে বিক্ৰমৰ বয়স ৮২ নহয় ৭৭ বছৰ।
উল্লেখ্য, বিক্ৰম পত্নীৰ সৈতে পুনেত থাকে। ‘হাম দিল দে চুকে চনম’ ছবিখনত ঐশ্বৰ্য ৰায় বচ্চনৰ পিতৃৰ চৰিত্ৰত অভিনয় কৰি বিক্ৰমে লাইমলাইটলৈ আহে। মাৰাঠী ছবিৰ কিছু সময়ৰ অন্তত হিন্দী ছবিতো অভিনয় কৰিছে অভিনেতাগৰাকীয়ে। ‘দিল ছে’, ‘ভুলভুলেইয়া’, ‘হিচকি’, ‘মিছন মংগল’ আদি ছবিত তেওঁৰ অভিনয় আজিও দৰ্শকৰ মনত আছে। মাৰাঠী ছবি ‘অনুমতীʼত অভিনয় কৰি শ্ৰেষ্ঠ অভিনেতাৰ ৰাষ্ট্ৰীয় বঁটা লাভ কৰে।
১৯৭৬ চনত ২৬ বছৰ বয়সত বিক্ৰমে বলীউডত প্ৰৱেশ কৰে। অমিতাভ বচ্চন অভিনীত পাৰৱানা আছিল বিক্ৰমৰ প্ৰথমখন ছবি। শেহতীয়াকৈ বিক্ৰমক দেখা গৈছিল ‘নিকম্মা’ ছবিত। ছবিখনত মুখ্য চৰিত্ৰত অভিনয় কৰিছিল শিল্পা শ্বেট্টী আৰু অভিমন্যু দশনীয়ে।
অভিনেতাজনৰ অৱস্থা সংকটজনক। ইতিমধ্যে ছানফ্ৰান্সিস্কোৰ পৰা পুনেত উপস্থিত হৈছে অভিনেতাগৰাকীৰ কন্যা। আনগৰাকী পুনেতে আছে। অভিনেতাজনৰ বেয়া স্বাস্থ্যক লৈ এতিয়াও নিমাত হৈ আছে বলীউড। হয়তো মনত এটা প্ৰাৰ্থনা আছে, তেওঁ সুস্থ হৈ উঠিব!
