কোনে ধুনীয়া আৰু সুস্থ হʼব নিবিচাৰে! মেদবহুলতা থাকিলে শৰীৰত বহুতো জটিল ৰোগে বাহ লয়। গতিকে বহুতে সুস্থ হৈ থকাৰ স্বাৰ্থত সোনকালে ওজন কমাব বিচাৰে। বিশেষজ্ঞসকলৰ মতে, কেইসপ্তাহমানৰ ভিতৰত হঠাতে ওজন কমি যোৱা সম্ভৱ নহয়।
দৈনন্দিন জীৱনৰ ব্যস্ততাৰ বাবে বহু লোকে ব্যায়াম কৰিব নোৱাৰে। কিন্তু সঠিক জীৱনশৈলী আৰু স্বাস্থ্যসন্মত খাদ্যাভ্যাসে অনায়াসে ওজন কমাবলৈ সহায় কৰে।
সোনকালে ওজন কমাবলৈ জীৱনশৈলীৰ কি কি পৰিৱৰ্তন আৱশ্যক?
১. খাদ্য লাহে লাহে, ভালদৰে, চোবাই খাব লাগে। ইয়াৰ ফলত হজম দ্ৰুত হয়। সামান্য পৰিমাণৰ খাদ্য খোৱাৰ পিছতো পেট ভৰি যায়।
২. বহুতৰে চিনেমা, ধাৰাবাহিক চাই বা আড্ডা মাৰি থাকোঁতে খাদ্য খোৱাৰ অভ্যাস আছে। অসাৱধানতাৰ বাবে সকলোৱে অতিমাত্ৰা খাদ্য গ্ৰহণ কৰে। ইয়াৰ ফলত চৰ্বি জমা হোৱাৰ সম্ভাৱনা বৃদ্ধি পায়।
৩. খাদ্যত প্ৰচুৰ পৰিমাণে প্ৰটিনযুক্ত খাদ্য অন্তৰ্ভুক্ত কৰিব লাগে। দৈনন্দিন খাদ্যত কণী, মাংস, শাক-পাচলি, দৈ আদি কিছুমান খাদ্য অন্তৰ্ভুক্ত কৰক।
৪. আঁহযুক্ত খাদ্য খালে পেট বেছি দেৰি ভৰি থাকে। এনে খাদ্যই ওজন কমাতো সহায় কৰে।
৫. প্ৰচেছড ফুড, চিপচ, কেক আদি খাদ্য ঘৰতে মজুত ৰখা বন্ধ কৰক। বৰঞ্চ বহুত ফলমূল, বাদাম ৰাখক। ভোক লাগিলে এই ধৰণৰ খাদ্য বাছি ল’ব লাগে।
৬. ঠাণ্ডা, মিঠা পানীয় পৰিহাৰ কৰক। তাৰ পৰিৱৰ্তে প্ৰতিদিনে ডাবৰ পানী, মৌ আৰু নেমুৰ ৰস খাব লাগে।
৭. দুপৰীয়া আৰু ৰাতিৰ আহাৰৰ ২০ মিনিট আগতে দুগিলাচ পানী খাব লাগে। ইয়াৰ ফলত অতিমাত্ৰা খাদ্য খোৱাৰ প্ৰৱণতা হ্ৰাস পাব।
৮. দ্ৰুত ওজন কমাবলৈ পৰ্যাপ্ত টোপনি অতি প্ৰয়োজনীয়। নিয়মীয়াকৈ ৭ ঘণ্টা টোপনিৰ প্ৰয়োজন। শুই উঠাৰ আগতে ফোন, লেপটপ, টিভিৰ সন্মুখত সময় কটাব নালাগে।
